വിദേശയാത്രകള്‍ക്ക് കേന്ദ്രമന്ത്രിമാര്‍ മുടക്കിയത് 678 കോടി രൂപ
Sep 27, 2012, 22:40 IST
കേന്ദ്രമന്ത്രിമാര്‍ 2011-12 കാലയളവില്‍ വിദേശയാത്രകള്‍ നടത്താന്‍ ചെലവാക്കിയത് 678 കോടി രൂപയാണ്. 2010-11 കാലയളവില്‍ ഇത് 56.1 കോടിരൂപ മാത്രമായിരുന്നു.
വിവരാവകാശ നിയമപ്രകാരം ഡല്‍ഹിയിലെ സാമൂഹികപ്രവര്‍ത്തകന്‍ സുഭാഷ് ചന്ദ്ര അഗര്‍വാളാണ് ഭരണസാരഥികളുടെ വിദേശ പര്യടന ചെലവു കണക്ക് ശേഖരിച്ച് വെളിപ്പെടുത്തിയിരിക്കുന്നത്.
പ്രധാനമന്ത്രി മന്‍മോഹന്‍സിംഗ് 2010-11 കാലയളവില്‍ ഏഴു തവണ വിദേശയാത്ര നടത്തി. 2011-12 ല്‍ അത് 14 തവണയായി.
വിദേശകാര്യമന്ത്രി എസ്.എം.കൃഷ്ണ 28 തവണ 201112ല്‍ വിദേശ പര്യടനങ്ങള്‍ നടത്തി.
ഇപ്പോഴത്തെ രാഷ്ട്രപതി പ്രണബ് മുഖര്‍ജി മുന്‍പ് കേന്ദ്ര ധനകാര്യമന്ത്രിയായിരിക്കെ 2010-11ല്‍ നാലുതവണയും 2011-12ല്‍ ആറു തവണയും വിദേശയാത്രകള്‍ നടത്തി. വാണിജ്യകാര്യമന്ത്രി ആനന്ദ് ശര്‍മ്മ 2011-12 കാലയളവില്‍ എട്ടുതവണയാണ് വിദേശത്ത് പോയത്. സ്വിറ്റ്‌സര്‍ലന്‍ഡ്, ദക്ഷിണാഫ്രിക്ക, ഫ്രാന്‍സ് എന്നീ രാജ്യങ്ങള്‍ അദ്ദേഹം സന്ദര്‍ശിച്ചു.
keywords: national, central ministers, foreign trip,
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
