കൊച്ചിയില്‍ എമേര്‍ജിങ് കേരള ഗ്ലോബല്‍ കണക്ട് നിക്ഷേപക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.കേരളത്തിന് അനുവദിച്ച നിരവധി പദ്ധതികളും വല്ലാര്‍പാടം ടെര്‍മിനലിന് പ്രത്യേകമായി അടുത്തയിടെ അനുവദിച്ച കബോട്ടാഷ് ഇളവും കേരളത്തോടുള്ള കേന്ദ്ര സമീപനത്തിന് ഉദാഹരണങ്ങളാണ്. കേരളത്തില്‍ പുതിയ പദ്ധതികള്‍ പ്രാവര്‍ത്തികമാക്കാനുള്ള സാഹചര്യം കേന്ദ്രസര്‍ക്കാര്‍ ഒരുക്കും.
വല്ലാര്‍പാടം, കൊച്ചി മെട്രോ തുടങ്ങിയവ ഇതിന് ഉദാഹരണങ്ങളാണ്. പ്രകൃതിവിഭവങ്ങളാല്‍ സമ്പന്നമാണ് കേരളം. മഹത്തായ സാംസ്കാരിക പാരമ്പര്യവുമുണ്ട്. ടൂറിസം വികസനത്തിന് അനന്തസാധ്യതയാണ് കേരളത്തിനുള്ളതെന്നും പ്രധാനമന്ത്രി പറഞ്ഞു. കേരളത്തില്‍ മുതല്‍മുടക്കുന്നവര്‍ക്ക് എല്ലാ സൗകര്യങ്ങളും ഒരുക്കും. ഗള്‍ഫിലും മറ്റു വിദേശരാജ്യങ്ങളിലുമുള്ള മലയാളികള്‍ രാജ്യത്തിന്റെ മൊത്ത ആഭ്യന്തര ഉത്പാദനത്തിനു നല്‍കുന്ന സംഭാവന വലുതാണ്.
വിദേശമലയാളികള്‍ ഹോട്ടലുകള്‍, ആശുപത്രികള്‍ തുടങ്ങിയ മേഖലകളില്‍ നടത്തുന്ന നിക്ഷേപങ്ങള്‍ പ്രശംസനീയമാണ്. ചടങ്ങില്‍ മുഖ്യമന്ത്രി ഉമ്മന്‍ ചാണ്ടി, മന്ത്രിമാരായ പി.കെ. കുഞ്ഞാലിക്കുട്ടി, കെ.എം. മാണി തുടങ്ങിയവരും ഗോദ്‌റെജ് ഗ്രൂപ്പ് ചെയര്‍മാന്‍ ആദി ഗോദ്‌റെജ്, യുഎസ് അംബാസഡര്‍ നാന്‍സി പവല്‍ തുടങ്ങിയവര്‍ സമ്മേളനത്തില്‍ പങ്കെടുത്തു.
Keywords: Kochi, Manmohan Singh, Prime Minister, Kochi Metro, Kerala, I.I.T., Emerging Kerala
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
