ആവേശത്തിന്റെ അലകടല്‍ തീര്‍ത്ത് യൂത്ത് ലീഗ് യുവജനറാലിക്ക് സമാപനം
Feb 16, 2013, 20:20 IST
കോഴിക്കോട്: യൂത്ത് ലീഗ് യുവജന റാലിയോടനുബന്ധിച്ച് കോഴിക്കോട് കടപ്പുറത്ത് നടന്ന പൊതുസമ്മേളനം ആവേശത്തിന്റെ അലകടല്‍ സൃഷ്ടിച്ചു. സമ്മേളനത്തിലേക്ക് ഒഴുകിയെത്തിയത് ജനലക്ഷങ്ങളാണ്. 'ജനാധിപത്യ മുന്നേറ്റത്തിന്റെ ആറര പതിറ്റാണ്ട്' എന്ന ക്യാമ്പയിനിന്റെ സമാപനത്തോടനുബന്ധിച്ചാണ് മുസ്ലിം യൂത്ത് ലീഗ് സംസ്ഥാന കമ്മിറ്റിയുടെ ആഭിമുഖ്യത്തില്‍ ഐഡിയല്‍ യൂത്ത് കോര്‍ മാര്‍ച്ചും, പൊതുസമ്മേളനവും സംഘടിപ്പിച്ചത്. ശുഭ്ര വസ്ത്രധാരികളായെത്തിയ ഐഡിയല്‍ യൂത്ത്‌കോര്‍ അംഗങ്ങള്‍ ഇനി ജനങ്ങള്‍ക്കിടയിലേക്ക് സേവനത്തിനായിറങ്ങും.
കോഴിക്കോടിന്റെ ചരിത്ര നഗരിയില്‍ പുതിയൊരു ചരിത്രം സൃഷ്ടിക്കുകയായിരുന്നു ഹരിത രാഷ്ട്രീയത്തിന്റെ യുവതലമുറ. ശനിയാഴ്ച വൈകുന്നേരം നാല് മണിയോടെ തന്നെ സമ്മേളന നഗരി നിറഞ്ഞുകവിഞ്ഞിരുന്നു. കോഴിക്കോട് നഗരത്തില്‍ നിന്നും ആരംഭിച്ച റാലി കടപ്പുറത്ത് എത്തുമ്പോഴേക്കും സമ്മേളന നഗരി ഉള്‍ക്കൊള്ളാനാവുന്നതിനപ്പുറം ജനനിബിഢമായി. പച്ച യൂണിഫോമണിഞ്ഞ വളണ്ടിയര്‍മാര്‍ ആളുകളെ നിയന്ത്രിക്കാന്‍ ഏറെ പാടുപ്പെട്ടു.
സംസ്ഥാനത്തിന്റെ നാനാ ഭാഗങ്ങളില്‍ നിന്നും ഒഴുകിയെത്തിയ പ്രവര്‍ത്തകര്‍ ചിട്ടയോടെയാണ് നഗരിയിലേക്ക് ഒഴുകിവന്നത്. വാഹനങ്ങളിലെത്തിയ പ്രവര്‍ത്തകര്‍ കിലോ മീറ്ററുകള്‍ നടന്നാണ് സമ്മേള സ്ഥലത്തെത്തിയത്. ചുരുങ്ങിയ ദിവസംകൊണ്ട് തന്നെ മഹാ സമ്മേളനം സംഘടിപ്പിക്കാന്‍ കഴിഞ്ഞ സംഘാടക മികവിന് കരുത്തുപകര്‍ന്ന പ്രവര്‍ത്തകര്‍ ഓരോ നിമിഷവും സമ്മേളന വിജയത്തിനായി പ്രവര്‍ത്തിക്കുകയായിരുന്നു.
രാഷ്ട്രീയ ചരിത്രത്തില്‍ വേറിട്ട ശൈലിയുമായെത്തിയ യൂത്ത്‌ലീഗിന്റെ കരുത്ത് എതിരാളികളെ പോലും അമ്പരപ്പിച്ചു. റാലി വീക്ഷിക്കാന്‍ ആയിരങ്ങളാണ് നഗരവീഥികളില്‍ തടിച്ചുകൂടിയത്. കരുത്തുറ്റ യുവ നേതൃത്വത്തിന്റെ അച്ചടക്കമുള്ള പ്രവര്‍ത്തകര്‍ അറബിക്കടലിന്റെ തീരത്ത് ജനാധിപത്യ രാഷ്ട്രത്തിന്റെ ചരിത്രത്തില്‍ പുതിയ അധ്യായം കുറിച്ചു.
തീവ്രവാദത്തിന്റെ പേരില്‍ നിരപരാധികളെ വിചാരണ കൂടാതെ തടവില്‍ വെയ്ക്കുന്നതിനെതിരെ മുസ്ലിം ലീഗ് രംഗത്തിറങ്ങുമെന്ന് പൊതുസമ്മേളനത്തില്‍ മുഖ്യ പ്രഭാഷണം നടത്തിയ മുസ്ലിം ലീഗ് അഖിലേന്ത്യ പ്രസിഡന്റുകൂടിയായ കേന്ദ്രമന്ത്രി ഇ.അഹമ്മദ് പറഞ്ഞു. ആരുടെയും അവകാശം തട്ടിയെടുക്കാന്‍ ലീഗ് ശ്രമിച്ചിട്ടില്ലെന്നും മുസ്ലിം സമുദായത്തിന്റെ അവകാശങ്ങള്‍ക്ക് വേണ്ടി ശബ്ദിക്കുന്നത് മറ്റുള്ളവരുടെ അവകാശം തട്ടിയെടുക്കലല്ലെന്നും അദ്ദേഹം പറഞ്ഞു.
സംസ്ഥാന പ്രസിഡന്റ് പാണക്കാട് സയ്യിദ് ഹൈദരി ശിഹാബ് തങ്ങള്‍ സമ്മേളനം ഉദ്ഘാടനം ചെയ്തു. യൂത്ത് ലീഗ് സംസ്ഥാന പ്രസിഡന്റ് പി.എം.സാദിഖലി അധ്യക്ഷത വഹിച്ചു. സോഷ്യലിസ്റ്റ് ജനത സംസ്ഥാന പ്രസിഡന്റ് എം.പി.വീരേന്ദ്ര കുമാര്‍, മുസ്ലിം ലീഗ് അഖിലേന്ത്യ ട്രഷററും മന്ത്രിയുമായ പി.കെ.കുഞ്ഞാലിക്കുട്ടി, മന്ത്രിമാരായ വി.കെ.ഇബ്രാഹിം കുഞ്ഞ്, എം.കെ.മുനീര്‍, മഞ്ഞളാംകുഴി അലി, ടുണീഷ്യ അംബാസിഡര്‍ താരിഖ് അസൂസ്, എം.കെ.രാഘവന്‍ എംപി, ലീഗ് നേതാക്കളായ സാദിഖലി ശിഹാബ് തങ്ങള്‍, അബ്ദുല്‍ സമദ് സമദാനി, കെ.പി.എ.മജീദ്, സിറാജ് ഇബ്രാഹിം സേട്ട്, എം.എല്‍.എമാരായ ടി.എ.അഹമ്മദ് കബീര്‍, കെ.എം.ഷാജി, എന്‍.ഷംസുദ്ദീന്‍, എം.എസ്.എഫ് സംസ്ഥാന പ്രസിഡന്റ് ടി.പി.അഷ്‌റഫ് അലി തുടങ്ങിവര്‍ പ്രസംഗിച്ചു.
Keywords: Muslim youth league, Youth rally, Conference, Ends, Kozhikode, Hyder Ali SHihab Thangal, E.Ahammed, P.K.Kunhalikutty, Veerendra Kumar, K.P.A.Majeed, V.K.Ibrahim kunju, M.K.Muneer, Siraj Ibrahim set, Kerala, Malayalam news, Kvartha, Kerala News, International News, National News, Gulf News, Health News, Educational News, Business News, Stock news, Gold News.
കോഴിക്കോടിന്റെ ചരിത്ര നഗരിയില്‍ പുതിയൊരു ചരിത്രം സൃഷ്ടിക്കുകയായിരുന്നു ഹരിത രാഷ്ട്രീയത്തിന്റെ യുവതലമുറ. ശനിയാഴ്ച വൈകുന്നേരം നാല് മണിയോടെ തന്നെ സമ്മേളന നഗരി നിറഞ്ഞുകവിഞ്ഞിരുന്നു. കോഴിക്കോട് നഗരത്തില്‍ നിന്നും ആരംഭിച്ച റാലി കടപ്പുറത്ത് എത്തുമ്പോഴേക്കും സമ്മേളന നഗരി ഉള്‍ക്കൊള്ളാനാവുന്നതിനപ്പുറം ജനനിബിഢമായി. പച്ച യൂണിഫോമണിഞ്ഞ വളണ്ടിയര്‍മാര്‍ ആളുകളെ നിയന്ത്രിക്കാന്‍ ഏറെ പാടുപ്പെട്ടു.
സംസ്ഥാനത്തിന്റെ നാനാ ഭാഗങ്ങളില്‍ നിന്നും ഒഴുകിയെത്തിയ പ്രവര്‍ത്തകര്‍ ചിട്ടയോടെയാണ് നഗരിയിലേക്ക് ഒഴുകിവന്നത്. വാഹനങ്ങളിലെത്തിയ പ്രവര്‍ത്തകര്‍ കിലോ മീറ്ററുകള്‍ നടന്നാണ് സമ്മേള സ്ഥലത്തെത്തിയത്. ചുരുങ്ങിയ ദിവസംകൊണ്ട് തന്നെ മഹാ സമ്മേളനം സംഘടിപ്പിക്കാന്‍ കഴിഞ്ഞ സംഘാടക മികവിന് കരുത്തുപകര്‍ന്ന പ്രവര്‍ത്തകര്‍ ഓരോ നിമിഷവും സമ്മേളന വിജയത്തിനായി പ്രവര്‍ത്തിക്കുകയായിരുന്നു.
രാഷ്ട്രീയ ചരിത്രത്തില്‍ വേറിട്ട ശൈലിയുമായെത്തിയ യൂത്ത്‌ലീഗിന്റെ കരുത്ത് എതിരാളികളെ പോലും അമ്പരപ്പിച്ചു. റാലി വീക്ഷിക്കാന്‍ ആയിരങ്ങളാണ് നഗരവീഥികളില്‍ തടിച്ചുകൂടിയത്. കരുത്തുറ്റ യുവ നേതൃത്വത്തിന്റെ അച്ചടക്കമുള്ള പ്രവര്‍ത്തകര്‍ അറബിക്കടലിന്റെ തീരത്ത് ജനാധിപത്യ രാഷ്ട്രത്തിന്റെ ചരിത്രത്തില്‍ പുതിയ അധ്യായം കുറിച്ചു.
തീവ്രവാദത്തിന്റെ പേരില്‍ നിരപരാധികളെ വിചാരണ കൂടാതെ തടവില്‍ വെയ്ക്കുന്നതിനെതിരെ മുസ്ലിം ലീഗ് രംഗത്തിറങ്ങുമെന്ന് പൊതുസമ്മേളനത്തില്‍ മുഖ്യ പ്രഭാഷണം നടത്തിയ മുസ്ലിം ലീഗ് അഖിലേന്ത്യ പ്രസിഡന്റുകൂടിയായ കേന്ദ്രമന്ത്രി ഇ.അഹമ്മദ് പറഞ്ഞു. ആരുടെയും അവകാശം തട്ടിയെടുക്കാന്‍ ലീഗ് ശ്രമിച്ചിട്ടില്ലെന്നും മുസ്ലിം സമുദായത്തിന്റെ അവകാശങ്ങള്‍ക്ക് വേണ്ടി ശബ്ദിക്കുന്നത് മറ്റുള്ളവരുടെ അവകാശം തട്ടിയെടുക്കലല്ലെന്നും അദ്ദേഹം പറഞ്ഞു.
Keywords: Muslim youth league, Youth rally, Conference, Ends, Kozhikode, Hyder Ali SHihab Thangal, E.Ahammed, P.K.Kunhalikutty, Veerendra Kumar, K.P.A.Majeed, V.K.Ibrahim kunju, M.K.Muneer, Siraj Ibrahim set, Kerala, Malayalam news, Kvartha, Kerala News, International News, National News, Gulf News, Health News, Educational News, Business News, Stock news, Gold News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
