കാണാതാ­യ വ്യാ­പാ­രി­യു­ടെ മൃ­ത­ദേ­ഹം താ­മ­ര­ശ്ശേ­രി ചു­ര­ത്തില്‍; 3 പേര്‍ അ­റ­സ്റ്റില്‍

മ­ല­പ്പുറം: കഴി­ഞ്ഞ തി­ങ്ക­ളാഴ്ച മലപ്പുറത്ത് നിന്ന് കാണാതായ വ്യാപാരിയുടെ മൃതദേഹം താമരശേരി ചുരത്തില്‍ കണ്ടെത്തി. തേഞ്ഞിപ്പലം സ്വദേ­ശിയായ നീരുട്ടിക്കല്‍ കുഞ്ഞിമുഹമ്മദ്­ എന്ന കുഞ്ഞാപ്പു(47) ആണ്­ മരിച്ചത്­.
സംഭവവുമായി ബന്ധപ്പെട്ട് പള്ളിക്കല്‍ സ്വദേശികളായ മാടത്തിലക്കണ്ടി വീട്ടില്‍ മുതുവാട് ഫാസില്‍ അന്‍സാര്‍(28), വയൊറൊടി വീട്ടില്‍ അന്‍സാര്‍ താഴ­ത്തേരി (24), ജീ­പ്പ് ഡ്രൈവര്‍ മന്ദാട്ടുപുറം കൊടക്കാട്ടകത്ത് അഷ്‌റഫ് എന്നിവരാണ് അറസ്റ്റിലാ­യത്. ഇ­വര്‍­ക്കു­പുറമെ നാലുപേരെ പോലീസ് കസ്റ്റഡിയിലെടുത്തിട്ടുണ്ട്.
വയനാട് ചുരത്തിലെ ഒന്‍പതാം വളവിലെ കൊക്കയില്‍ വള്ളിയില്‍ കുരുങ്ങിക്കിടന്ന കുഞ്ഞിമുഹമ്മദിന്റെ മൃതദേ­ഹം ഞാ­യ­റാഴ്ച മലപ്പുറം ഡി.വൈ.എസ്.പി. അഭിലാഷിന്റെ നേതൃത്വത്തിലുള്ള പോലീസ് സംഘം നാട്ടുകാരുടെ സഹായത്തോടെയാണ് കണ്ടെത്തി­യത്. പ്രതി ഫാസില്‍ ആണ് മൃതദേഹം തള്ളിയ സ്ഥലം പോലീസിന് കാണിച്ചുകൊടു­ത്തത്.

കൊല്ലപ്പെട്ട കുഞ്ഞാപ്പുവിന് നോട്ട് ഇരട്ടിപ്പുമായി ബന്ധമുണ്ടെന്നും നിരോല്‍പ്പലം സ്വദേശി പറമ്പാളി വീട്ടില്‍ പൊന്നച്ചന്‍ റാഫിക്കു കുഞ്ഞാപ്പു 10 ലക്ഷം രൂപ നല്‍കാനുള്ളതുമായി ബന്ധപ്പെട്ട തര്‍ക്കമാണ് കൊലപാതകത്തില്‍ കലാശി­ച്ച­തെന്നും പോലീസ് പറ­ഞ്ഞു. തുണി വില്‍പ്പനക്കാരനായിരുന്ന കുഞ്ഞാപ്പു കഴിഞ്ഞ 19ന്­ വീട്ടില്‍നിന്നു പോ­യ­താ­ണെന്നും അ­തി­നു ശേ­ഷം തി­രി­ച്ചു­വ­ന്നി­രു­ന്നി­ല്ലെ­ന്നും ബന്ധുക്കള്‍ പൊ­ലീ­സിന് പരാതി നല്‍കിയിരുന്നു.