Arrested | ബസും സ്‌കൂടറും കൂട്ടിയിടിച്ച് ദമ്പതികള്‍ മരിച്ച സംഭവം; ഡ്രൈവറും ഉടമയും അറസ്റ്റില്‍
Oct 17, 2023, 09:34 IST
കോഴിക്കോട്: (KVARTHA) ദേശീയ പാതയില്‍ സ്‌കൂടറും കൂട്ടിയിടിച്ച് ദമ്പതികള്‍ മരിച്ച സംഭവത്തില്‍ ബസ് ഡ്രൈവറും ഉടമയും അറസ്റ്റില്‍. ഡ്രൈവര്‍ അഖില്‍ കുമാറിനെയും ബസ് ഉടമ അരുണിനെയുമാണ് ചേവായൂര്‍ പൊലീസ് അറസ്റ്റ് ചെയ്തത്. കക്കോടി കുഴക്കുമിറി എന്‍ ഷൈജു (43), ഭാര്യ ജിമ (38) എന്നിവരാണ് അപകടത്തില്‍ മരിച്ചത്. ഇരുവരും സംഭവസ്ഥലത്തുവച്ചുതന്നെ മരിച്ചിരുന്നു. കോഴിക്കോട് ഡിഡി ഓഫിലെ പ്യൂണാണ് ഷൈജു.
തിങ്കളാഴ്ച (16.10.2023) ദേശീയ പാത ബൈപാസില്‍ വേങ്ങേരിക്കും മലാപ്പറമ്പിനും ഇടയിലാണ് അപകടം സംഭവിച്ചത്. അമിതവേഗത്തില്‍ വന്ന ബസിന്റെ ഇടിയുടെ ആഘാതത്തില്‍ സ്‌കൂടര്‍ യാത്രികര്‍ രണ്ട് ബസുകള്‍ക്കിടയില്‍ കുടുങ്ങിപ്പോവുകയായിരുന്നു. ഷൈജുവിന്റെ ചികിത്സയ്ക്കായി ആശുപത്രിലേക്ക് പുറപ്പെട്ടതായിരുന്നു ദമ്പതികള്‍ എന്നാണ് വിവരം. ഇവര്‍ക്ക് 13ഉം 11ഉം വയസുള്ള കുട്ടികളുണ്ട്.
മൃതദേഹങ്ങള്‍ ഇന്‍ക്വസ്റ്റ് നടപടികള്‍ക്ക് ശേഷം പൊലീസ് പോസ്റ്റുമോര്‍ടത്തിനായി ആശുപത്രിയിലേക്ക് മാറ്റി. അതേസമയം തൊട്ടടുത്തുണ്ടായിരുന്ന മറ്റൊരു ബൈകും അപകടത്തില്‍പെട്ടു. ഇത് ഓടിച്ച പാലത്ത് പാലത്ത് ഊട്ടുകുളം വയലില്‍ വിനു മെഡികല്‍ കോളജ് ആശുപത്രിയില്‍ ചികിത്സയിലാണ്.
Keywords: Kozhikode, News, Accidental Death, Dead Body, Postmortem, Couple, Scooter, Bus, Obituary, Kerala News.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
