കോട്ടയം ഇടുക്കി ജില്ലയിലെ മോഡൽ റസിഡൻഷ്യൽ സ്കൂളിലേക്കുള്ള പ്രവേശനത്തിന് അപേക്ഷ ക്ഷണിച്ചു; അവസാന തിയതി ഫെബ്രുവരി 28

കോട്ടയം: (www.kvartha.com 31.01.2022) പട്ടികവർഗ വികസന വകുപ്പിനു കീഴിൽ പ്രവർത്തിച്ചുവരുന്ന മോഡൽ റസിഡൻഷ്യൽ സ്കൂളിൽ അഞ്ചാം ക്ലാസിലേക്കുള്ള പ്രവേശനത്തിനും അതോടൊപ്പം പൂക്കോട്, ഇടുക്കി മോഡൽ റസിഡൻഷ്യൽ സ്‌കൂളിൽ ആറാം ക്ലാസിലേക്കുള്ള പ്രവേശനത്തിനും അപേക്ഷ ക്ഷണിച്ചു. അഞ്ചാം ക്ലാസിലേക്ക് പട്ടികജാതി വിദ്യാർഥികൾക്കും കൂടാതെ മറ്റു സമുദായത്തിലുള്ള വിദ്യാർഥികൾക്കും പ്രവേശനത്തിനുള്ള അപേക്ഷ സമർപിക്കാവുന്നതാണ്.
 
കുടുംബ വാർഷിക വരുമാനം ഒരു ലക്ഷം രൂപയിൽ കൂടാത്തവരും കോട്ടയം ജില്ലയിലെ സ്ഥിര താമസക്കാരുമാകണം. പ്രവേശന പരീക്ഷയുടെ അടിസ്ഥാനത്തിലാണ് യോഗ്യരായ വിദ്യാർഥി കളെ തെരഞ്ഞടുക്കുന്നത്. പ്രാക്തന ഗോത്ര വർഗ വിദ്യാർഥികൾക്ക് പരീക്ഷയുടെ ആവശ്യമില്ല. നിർദിഷ്ട മാതൃകയിൽ ഉണ്ടാക്കിയ അപേക്ഷകളോടൊപ്പം ജാതി, വരുമാന സെർടിഫികറ്റുകൾ, ജനന തീയതി, പഠിക്കുന്ന ക്ലാസ് എന്നിവ രേഖപ്പെടുത്തി ഫോടോ പതിച്ച് സ്ഥാപനമേധാവി സാക്ഷ്യപ്പെടുത്തിയ സെർടിഫികറ്റ് എന്നിവ അപേക്ഷയോടൊപ്പം നൽകണം.