6 കോടി­യോ­ളം രൂ­പ­യു­ടെ ക­വര്‍­ച്ച ന­ടത്തി­യ കാ­ക്ക ര­ഞ്­ജിത്തും കൂ­ട്ടാളികളും പി­ടി­യില്‍

അ­നീ­ഷ്

കാ­ക്ക ര­ഞ്­ജിത്ത്

കോഴിക്കോട്:  ആറ്‌ കോടി­യോ­ളം രൂ­പ­യു­ടെ ക­വര്‍­ച്ച ന­ടത്തി­യ കു­പ്ര­സി­ദ്ധ ക­വര്‍­ച്ച­ക്കാ­രന്‍ കാക്ക ര­ഞ്­ജിത്തും കൂ­ട്ടാളിക­ളും അ­റ­സ്റ്റി­ലായി. രഞ്ജിത്തിനെ ബാംഗ്ലൂരിലെ ഒളിത്താവളത്തില്‍ വെച്ചും കൂട്ടാളികളെ സംസ്ഥാനത്തിന്റെ വിവിധ ഭാഗങ്ങളില്‍ നിന്നുമാണ് പിടികൂടിയത്.

ഏറ്റവും ഒടുവില്‍ നഗരത്തില്‍ മേത്തോട്ടു­താഴ­ത്തെ ബാങ്കുടമയെ തടഞ്ഞുനിര്‍ത്തി 12 പവന്‍ സ്വര്‍ണാഭരണങ്ങ­ളും 50,000 രൂപയും തട്ടിയെടുത്ത കേസിലാണ് സംഘം പിടിയിലായത്. ചോദ്യം ചെയ്യലില്‍ പന്നിയങ്കരയിലെ പെട്രോള്‍ പമ്പില്‍ നിന്നും രാത്രി വാള്‍ കാണിച്ച് കവര്‍ച്ച നടത്തിയതും പോത്തന്നൂര്‍ റെയില്‍വേ സ്‌റ്റേഷനില്‍ വെച്ച് ജാഹിര്‍ ഹുസൈന്‍ എന്നയാളെ മുഖത്ത് മുളക്‌­പൊടി വിതറി വെട്ടിപരിക്കേല്‍പ്പിച്ച് ഒമ്പതര ലക്ഷം രൂപ കവര്‍ന്ന­തും­ ര­ഞ്­ജിത്തും സം­ഘവുമാണെന്ന് തെളിഞ്ഞിട്ടുണ്ട്.

 കൂടാതെ കഴിഞ്ഞ ആറു മാസത്തിനിടക്ക് കോഴിക്കോട് ജില്ലയുടെ വിവിധയിടങ്ങളില്‍ സ്ത്രീകളുടെ കഴുത്തില്‍ നിന്നും മാല പൊട്ടി­ച്ച 14 കേ­സുകളും ഇവര്‍ക്കെതിരെയുണ്ട്.

രഞ്ജു­മോന്‍

2010ല്‍ ബാംഗ്ലൂരില്‍ നിന്ന് അറുപത് ലക്ഷം രൂപയുടെ കുഴല്‍ പണം കവര്‍ച്ച ചെയ്­ത സം­ഭ­വ­ത്തിലും പെട്രോള്‍ പമ്പില്‍ നിന്ന് പത്ത് ലക്ഷം രൂ­പ ക­വര്‍ന്ന കേസിലും രഞ്­ജി­ത്ത് പോലീസ് പിടിയിലായിരുന്നു. തുടര്‍ന്ന് ജാമ്യത്തിലിറങ്ങി മുങ്ങി­യ ര­ഞ്­ജിത്ത് കേരളത്തിലും തമിഴ്‌­നാട്ടിലും കര്‍ണാടകത്തിലുമായി നിരവധി കവര്‍ച്ചാകേസുകളില്‍ പ്രതിയാണ്. ഗുണ്ടല്‍പേട്ടയില്‍ വെച്ച് മൂന്നുകോടി രൂപ തട്ടിയെടുത്ത് രക്ഷപ്പെടവേ കാര്‍ കൊക്കയിലേക്ക് മറിഞ്ഞതിനെത്തുടര്‍ന്ന് അന്നുണ്ടായിരുന്ന കൂട്ടുപ്രതികള്‍ പിടിയിലായിരുന്നുവെങ്കിലും രഞ്­ജിത്ത് കാട്ടില്‍ ഒളിച്ചു രക്ഷപ്പെടുകയായിരുന്നു.

സംസ്ഥാനത്തിന്റെ വിവിധ ഭാഗങ്ങളിലും മൈസൂര്‍, ഗോവ, ബാംഗ്ലൂര്‍ തുടങ്ങിയിടങ്ങളിലും മാറിമാറിതാമസിച്ച് ആഡംബര ജീവിതം നയിച്ച കാക്കരഞ്ജിത്തിനെ ബാംഗ്ലൂരിലെ മടിവാളക്ക് സമീപം വാടകക്കെട്ടിടത്തില്‍ നിന്നാണ് പോലീസ് പിടികൂടിയത്. ഒപ്പം കവി­ത എ­ന്ന യു­വ­തി­യു­മുണ്ടായിരുന്നു. മൊബൈല്‍ ഫോണ്‍ ഉപയോഗിച്ചാല്‍ പിടിയാലാകുമെന്ന് മനസ്സിലാക്കിയ രഞ്­ജിത്ത് ഫോണ്‍ ഉപേക്ഷിച്ചാ­ണ് ഒ­ളി­വില്‍ കഴിഞ്ഞിരുന്നത്. ഇതേത്തുടര്‍ന്ന് കൂട്ടാളികള്‍ വലയിലായ വിവരം ഇയാള്‍ അറിഞ്ഞിരുന്നില്ല. കൂട്ടുപ്രതികളില്‍ നിന്ന് ലഭിച്ച വിവരത്തിന്റെ അടിസ്ഥാനത്തിലാണ് രഞ്­ജിത്തി­ന്റെ ഒ­ളിത്താവളം തേ­ടി പോലീസെത്തിയ­ത്.

 മു­മ്പ് പോലീസ് അന്വേഷിച്ചെത്തിയപ്പോഴേക്കും മട്ടാഞ്ചേരിയിലെ ഇരുനില കെട്ടിടത്തിന് മുകളില്‍ നി­ന്നും ചാടി രഞ്­ജിത്ത് രക്ഷപ്പെട്ടിരുന്നു. പ­ഴു­തു­കള്‍ അട­ച്ചു കൊ­ണ്ടാ­ണ് പോ­ലീ­സ് രഞ്­ജി­ത്ത് ഒ­ളി­വില്‍ ക­ഴി­ഞ്ഞ ഫ്ളാറ്റ്‌ റെയ്ഡ് ചെയ്തത്. ഏതാനും ദിവസങ്ങളിലായി രഞ്ജിത്തിന്റെ കൂട്ടാളികളായ ആലപ്പുഴ സ്വദേശികളായ അ­നീ­ഷ്(26) രഞ്ജു­മോന്‍(27) ആരിഫ് എന്ന പാല്‍ മോന്‍(25) ബേപ്പൂര്‍ അ­നീ­സ്(28) മുഹമ്മദ് റാ­ഫി(26), ദീ­പേ­ഷ്(25) സു­ബീ­ഷ്(26) ര­മേ­ശ്(25) എന്നിവരെ മെഡിക്കല്‍കോളജ് പോ­ലീസ്‌ കസ്റ്റഡിയിലെടുത്തിരുന്നു. ര­ഞ്­ജിത്തും സംഘവും കോഴിക്കോട് നഗരത്തിലെ ധനകാര്യസ്ഥാപനങ്ങള്‍ കേന്ദ്രീകരി­ച്ച് വീണ്ടും കവര്‍ച്ച നടത്താന്‍ പദ്ധതിയിട്ടിരുന്നതാ­യി പോലീസ് പറഞ്ഞു.