Inauguration | കണ്ണൂര്‍ ഗവ. പോളി ടെക്നികില്‍ ഓപണ്‍ ഓഡിറ്റോറിയം ഉദ്ഘാടനം ചെയ്യും

കണ്ണൂര്‍: (KVARTHA) കടന്നപ്പളളി രാമചന്ദ്രന്‍ എംഎല്‍എയുടെ ആസ്തി വികസന തുക ഉപയോഗിച്ച് കണ്ണൂര്‍ ഗവ. പോളിടെക്നിക് കോളജില്‍ നിര്‍മിച്ച ഓപണ്‍ ഓഡിറ്റോറിയത്തിന്റെ ഉദ്ഘാടനം സെപ്തംബര്‍ 29 ന് വെളളിയാഴ്ച നടക്കുമെന്ന് സംഘാടകര്‍ കണ്ണൂര്‍ പ്രസ് ക്ലബില്‍ വാര്‍ത്താസമ്മേളനത്തില്‍ അറിയിച്ചു.

ഉച്ചയ്ക്ക് 12 മണിക്ക് കണ്ണൂര്‍ കോര്‍പറേഷന്‍ മേയര്‍ ടിഒ മോഹനന്റെ അധ്യക്ഷതയില്‍ രാമചന്ദ്രന്‍ കടന്നപ്പള്ളി എം എല്‍ എ ഉദ്ഘാടനം നിര്‍വഹിക്കും. എം എല്‍ എയുടെ ആസ്തി വികസന തുകയില്‍ നിന്നും 25 ലക്ഷം രൂപയും മറ്റ് തുകയില്‍ നിന്നും 10 ലക്ഷം രൂപയം ഉള്‍പെടുത്തിയാണ് ഓപണ്‍ ഓഡിറ്റോറിയം പൂര്‍ത്തിയാക്കിയിട്ടുള്ളത്.

ഇതുകൂടാതെ ഏഴു കോടി ചിലവില്‍ ചാലക്കുന്നില്‍ നിന്ന് തോട്ടടയിലേക്ക് റെയില്‍വേ മേല്‍പാലത്തിനും അംഗീകാരമായിട്ടുണ്ട്. ഇത് യാഥാര്‍ഥ്യമായാല്‍ പോളിടെക്നിക്, ഐടിഐ, ടെക്നികല്‍ ഹൈസ്‌കൂള്‍ എന്നിവിടങ്ങളിലെത്താന്‍ ഏറെ എളുപ്പമാവുമെന്ന് രാമചന്ദ്രന്‍ കടന്നപ്പളളി എം എല്‍ എ അറിയിച്ചു. വാര്‍ത്താ സമ്മേളനത്തില്‍ പോളി ടെക്നിക് പ്രിന്‍സിപല്‍ എം സി പ്രകാശന്‍, സാബു ടി, വൈ വി അശോകന്‍, ടിപി അജിത് എന്നിവര്‍ പങ്കെടുത്തു.