Warning | ശക്തമായ കാറ്റിനും മോശം കാലാവസ്ഥക്കും സാധ്യത: കേരള -കര്ണാടക -ലക്ഷദ്വീപ് തീരങ്ങളില് മീന്പിടുത്ത തൊഴിലാളികള് മത്സ്യബന്ധനത്തിന് പോകരുതെന്ന് നിര്ദേശം
ബുധന്, വ്യാഴം ദിവസങ്ങളില് കേരള - ലക്ഷദ്വീപ് തീരങ്ങളിലും, ജൂണ് 29 വരെ കര്ണാടക തീരത്തും മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത
ജൂണ് 30 വരെ മുന്നറിയിപ്പ് നല്കിയിട്ടുണ്ട്
തിരുവനന്തപുരം: (KVARTHA) ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല് കേരള -കര്ണാടക -ലക്ഷദ്വീപ് തീരങ്ങളില് മീന്പിടുത്ത തൊഴിലാളികള് മത്സ്യബന്ധനത്തിന് പോകരുതെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ബുധന്, വ്യാഴം ദിവസങ്ങളില് കേരള - ലക്ഷദ്വീപ് തീരങ്ങളിലും, ജൂണ് 29 വരെ കര്ണാടക തീരത്തും മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതായും കേന്ദ്ര കാലാവസ്ഥ വകുപ്പ് അറിയിച്ചു.
ജൂണ് 29 വരെ തെക്ക് -പടിഞ്ഞാറന് അറബിക്കടല് അതിനോട് ചേര്ന്ന തെക്ക് -കിഴക്കന് അറബിക്കടല്, മധ്യ അറബിക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെയും വേഗതയില് ശക്തമായ കാറ്റിനും സാധ്യതയുണ്ട്.
ജൂണ് 26 ബുധനാഴ്ച മാലിദ്വീപ് തീരം, വടക്കന് ആന്ധ്രപ്രദേശ് തീരം, തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല്, വടക്കന് ആന്ഡമാന് കടല്, ഗള്ഫ് ഓഫ് മാന്നാര് അതിനോട് ചേര്ന്ന തെക്കന് തമിഴ്നാട് തീരം, കന്യാകുമാരി പ്രദേശം എന്നിവിടങ്ങളിലും, ജൂണ് 27 വ്യാഴാഴ്ച ലക്ഷദ്വീപ് പ്രദേശം, കര്ണ്ണാടക തീരം, കേരള തീരം, തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല് അതിനോട് ചേര്ന്ന വടക്കു പടിഞ്ഞാറന് ബംഗാള് ഉള്ക്കടല്, ഗള്ഫ് ഓഫ് മാന്നാര് അതിനോട് ചേര്ന്ന തെക്കന് തമിഴ്നാട് തീരം, കന്യാകുമാരി പ്രദേശം എന്നിവിടങ്ങളിലും മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്.
ജൂണ് 28ന് തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല് അതിനോട് ചേര്ന്ന വടക്കന് ബംഗാള് ഉള്ക്കടല്, ഗള്ഫ് ഓഫ് മാന്നാര് അതിനോട് ചേര്ന്ന തെക്കന് തമിഴ്നാട് തീരം എന്നിവിടങ്ങളിലും ജൂണ് 29ന് തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല്, വടക്കന് ബംഗാള് ഉള്ക്കടലിന്റെ തെക്കന് ഭാഗങ്ങള്, ഗള്ഫ് ഓഫ് മാന്നാര് അതിനോട് ചേര്ന്ന തെക്കന് തമിഴ്നാട് തീരം എന്നിവിടങ്ങളിലും മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്.
ജൂണ് 30ന് മധ്യ അറബിക്കടലില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെയും വേഗതയില് കാറ്റിന് സാധ്യതയുണ്ടെന്നും മുന്നറിയിപ്പില് പറയുന്നു.
തെക്കന് ബംഗാള് ഉള്ക്കടല്, മധ്യ ബംഗാള് ഉള്ക്കടല്, വടക്കന് ആന്ധ്രപ്രദേശ് തീരം, തെക്കു കിഴക്കന് അറബിക്കടലിന്റെ വടക്കന് ഭാഗങ്ങള്, വടക്കു പടിഞ്ഞാറന് അതിനോട് ചേര്ന്ന വടക്കു കിഴക്കന് ബംഗാള് ഉള്ക്കടല്, ഗള്ഫ് ഓഫ് മാന്നാര് അതിനോട് ചേര്ന്ന തെക്കന് തമിഴ് നാട് തീരം എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്. ആയതിനാല് മുന്നറിയിപ്പുള്ള ദിവസങ്ങളില് ഈ പ്രദേശങ്ങളില് മത്സ്യബന്ധനത്തിന് പോകരുതെന്ന് കേന്ദ്ര കാലാവസ്ഥ വകുപ്പ് അറിയിച്ചു.
