തെരഞ്ഞെടുപ്പില്‍ നിന്നും വിട്ടുനിന്ന സി.പി.എം.അംഗത്തിന്റെ വീടിനുനേരെ ആക്രമം
Nov 27, 2012, 14:44 IST
കാട്ടാക്കട: സി.പി.എം അംഗം കെ. രാജേന്ദ്രന്റെ വീട് ഒരു സംഘം ആക്രമിച്ചു. മാറനല്ലൂര്‍ പഞ്ചായത്ത് പ്രസിഡന്റ് തെരഞ്ഞെടുപ്പില്‍നിന്നും രാജേന്ദ്രന്‍ വിട്ടുനിന്നതിനെ തുടര്‍ന്നാണ് അക്രമം. പ്രസിഡന്റ് തെരഞ്ഞെടുപ്പുകഴിഞ്ഞ് അരമണിക്കൂറിനുള്ളിലാണ് ബൈക്കിലെത്തിയ സംഘം അക്രമം നടത്തിയത്. അക്രമത്തില്‍ വീടിന്റെ ജനല്‍ ചില്ലുകള്‍ തകര്‍ന്നിട്ടുണ്ട്. ഇതേ തുടര്‍ന്ന് രാജേന്ദ്രന്റെ വീടിന് പോലീസ് കാവല്‍ ഏര്‍പ്പെടുത്തിയുണ്ട്.
എരുത്താവൂര്‍ ചന്ദ്രനും രാജേന്ദ്രനുമെതിരെയും കോണ്‍ഗ്രസ് -ബി.ജെ.പി അവിശുദ്ധ കൂട്ടുകെട്ടിനെതിരെയും ഇടതുമുന്നണിയുടെ നേതൃത്വത്തില്‍ മാറനല്ലൂരില്‍ പ്രകടനം നടത്തി. ജംഗ്ഷനില്‍ എരുത്താവൂര്‍ ചന്ദ്രന്റെ കോലവും കത്തിച്ചു. ഡി.വൈ.എഫ്.ഐ ഏരിയാ സെക്രട്ടറി പി.സി. പ്രഷീദ്, തങ്കരാജ്, എ.സുരേഷ് കുമാര്‍, ജെ. ബിജു എന്നിവര്‍ പ്രകടനത്തിന് നേതൃത്വം നല്‍കി.
തൂങ്ങാംപാറ ജംഗ്ഷനില്‍ എരുത്താവൂര്‍ ചന്ദ്രന്റെയും രാജേന്ദ്രന്റെയും ഫോട്ടോ സ്ഥാപിച്ച് കരിങ്കൊടി കെട്ടി ഡി.വൈ.എഫ്.ഐ പ്രവര്‍ത്തകര്‍ പ്രതിഷേധിച്ചു.കോണ്‍ഗ്രസിനും ബി.ജെ.പിക്കും വേണ്ടി പാര്‍ട്ടിയെ ഒറ്റിക്കൊടുത്ത നേതാക്കളെ പുറത്തിറങ്ങാന്‍ അനുവദിക്കില്ലെന്ന പ്രഖ്യാപനത്തോടെയാണ് കരിങ്കൊടികെട്ടിയത്.
മാറനല്ലൂര്‍ ഗ്രാമപഞ്ചായത്ത് അഴിമതിയുടെയും അനാശാസ്യത്തിന്റെയും കേന്ദ്രമായെന്ന് സി.പി.ഐ ജില്ലാ കൗണ്‍സില്‍ അംഗവും ഇടതുമുന്നണിയുടെ പ്രസിഡന്റ് സ്ഥാനാര്‍ഥിയുമായ എന്‍.ഭാസുരാംഗന്‍ ആരോപിച്ചു.
Keywords: Election, House,Attack, Block Panchayat President, Police, Protection, Congress, Photo, Leaders, Corruption, Kerala
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
