പുനലൂര്‍-ചെങ്കോട്ട പാതയില്‍ മണ്ണിടിച്ചില്‍: 4 ട്രെയിനുകള്‍ റദ്ദാക്കി
Dec 7, 2021, 12:38 IST
തിരുവനന്തപുരം: (www.kvartha.com 07.12.2021) പുനലൂര്‍ - ചെങ്കോട്ട സെക്ഷനില്‍ ഭഗവതിപുരത്തിനും ന്യൂ ആര്യങ്കാവ് റെയില്‍വേ സ്റ്റേഷനുമിടയില്‍ തിങ്കളാഴ്ച രാത്രി മണ്ണിടിച്ചിലുണ്ടായതിനെ തുടര്‍ന്ന് ഇതുവഴിയുള്ള നാല് ട്രെയിനുകള്‍ ഭാഗികമായി റദ്ദ് ചെയ്തു.
ചൊവ്വാഴ്ച 12ന് കൊല്ലത്തുനിന്ന് പുറപ്പെടേണ്ട കൊല്ലം-ചെന്നൈ എഗ്മോര്‍ പ്രതിദിന എക്സ്പ്രസ് (ട്രെയിന്‍ നമ്പര്‍ - 16102), കൊല്ലത്തിനും ചെങ്കോട്ടയ്ക്കും ഇടയില്‍ ഭാഗികമായി റദ്ദാക്കി. അതിനാല്‍ ചെങ്കോട്ടയില്‍നിന്ന് സെര്‍വീസ് നടത്തുക.
തിങ്കളാഴ്ച പുറപ്പെട്ട പാലക്കാട്- തിരുനെല്‍വേലി പാലരുവി എക്സ്പ്രസ് (ട്രെയിന്‍ നമ്പര്‍ - 16792) പുനലൂരും, ചെന്നൈ എഗ്മോര്‍- കൊല്ലം പ്രതിദിന എക്സ്പ്രസ് (ട്രെയിന്‍ നമ്പര്‍ - 16101) ചെങ്കോട്ടയിലും യാത്ര അവസാനിപ്പിച്ചു.
രാത്രി 11.20ന് തിരുനെല്‍വേലിയില്‍നിന്ന് പുറപ്പെടേണ്ട തിരുനെല്‍വേലി- പാലക്കാട് പാലരുവി എക്സ്പ്രസ് (ട്രെയിന്‍ നമ്പര്‍ - 16791) പുനലൂരില്‍ നിന്നാണ് പാലക്കാടിലേക്ക് സെര്‍വീസ് നടത്തിയത്.
ഇവിടെ വായനക്കാർക്ക് അഭിപ്രായങ്ങൾ
രേഖപ്പെടുത്താം. സ്വതന്ത്രമായ
ചിന്തയും അഭിപ്രായ പ്രകടനവും
പ്രോത്സാഹിപ്പിക്കുന്നു. എന്നാൽ
ഇവ കെവാർത്തയുടെ അഭിപ്രായങ്ങളായി
കണക്കാക്കരുത്. അധിക്ഷേപങ്ങളും
വിദ്വേഷ - അശ്ലീല പരാമർശങ്ങളും
പാടുള്ളതല്ല. ലംഘിക്കുന്നവർക്ക്
ശക്തമായ നിയമനടപടി നേരിടേണ്ടി
വന്നേക്കാം.
