കോട്ടയത്ത് അംഗന്‍വാടി കെട്ടിടം തകര്‍ന്നുവീണു; കുട്ടികള്‍ രക്ഷപ്പെട്ടത് തലനാരിഴയ്ക്ക്

ബുധനാഴ്ച രാവിലെ 9.30 മണിയോടെയായിരുന്നു സംഭവം. മഴയായതിനാല്‍ കുട്ടികള്‍ വൈകിയെത്തിയതാണ് വന്‍ അപകടം ഒഴിവായത്. അപകട സമയത്ത് ചുരുക്കം ചില കുട്ടികല്‍ മാത്രമാണ് എത്തിയിരുന്നത്. കെട്ടിടത്തിന്റെ ശോചനീയ അവസ്ഥയെപ്പറ്റി അധികാരികളോട് പരാതിപ്പെട്ടിട്ടും നടപടികള്‍ എടുത്തിരുന്നില്ലെന്ന് നാട്ടുകാര്‍ കുറ്റപ്പെടുത്തി.

രാവിലെ സ്‌കൂളില്‍ ഭക്ഷണം തയാറാക്കാനെത്തിയ സ്ത്രീ എന്തോ ശബ്ദം കേട്ട് അധ്യാപകരെ
വിവരം അറിയിക്കുകയായിരുന്നു. ഉടന്‍തന്നെ അധ്യാപകര്‍ കെട്ടിടകത്തിനകത്തുണ്ടായിരുന്ന നാലു കുട്ടികളെ മറ്റു സ്ഥലത്തേക്ക് മാറ്റിയതിനു തൊട്ടുപിന്നാലെ കെട്ടിടം പൂര്‍ണമായും തകര്‍ന്നുവീണു. കുറച്ചുകൂടി വൈകിയിരുന്നെങ്കില്‍ കുട്ടികള്‍ തകര്‍ന്നുവീണ കെട്ടിടത്തിനുള്ളില്‍ അകപ്പെടുമായിരുന്നു.

കാലപ്പഴക്കംചെന്ന സ്‌കൂള്‍ കെട്ടിടം പുതുക്കി നിര്‍മ്മിക്കണമെന്നാവശ്യപ്പെട്ട് നാട്ടുകാര്‍ രംഗത്തുവന്നിട്ടുണ്ട്. ഇതിനായി പ്രക്ഷോഭപരിപാടികള്‍ ആരംഭിക്കുമെന്നും അവര്‍ അറിയിച്ചു.

Also Read:

Keywords:  Anganwadi building collapses, Kottayam, Natives, Protest, school, Complaint, Woman, Teachers, Children, Kerala.