Expat Died | സഊദി അറേബ്യയില് വാഹനാപകടത്തില് മലയാളി ഉള്പെടെ 3 പേര്ക്ക് ദാരുണാന്ത്യം
മൃതദേഹങ്ങള് തായിഫിലെ കിംഗ് ഫൈസല് ആശുപത്രിയില് സൂക്ഷിച്ചിരിക്കുകയാണ്.
തായിഫില് നിന്നും റാണിയയിലേക്കുള്ള യാത്രക്കിടെയാണ് സംഭവം.
മരിച്ച മറ്റു രണ്ടുപേര് സ്വദേശി പൗരനും ബംഗാള് സ്വദേശിയുമാണ്.
റിയാദ്: (KVARTHA) സഊദി അറേബ്യയിലെ തായിഫില് വാഹനാപകടത്തില് മലയാളി ഉള്പെടെ മൂന്ന് പേര്ക്ക് ദാരുണാന്ത്യം. ആലുവ വെളിയത്തുനാട് സ്വദേശി കണ്ണചാരുപറമ്പില് അബ്ദുല് ഖാദര് (54) ആണ് മരിച്ച മലയാളി. തായിഫില് നിന്നും റാണിയയിലേക്കുള്ള യാത്രക്കിടെയാണ് അപകടം ഉണ്ടായത്.
പശ്ചിമ ബംഗാളിലെ മുര്ശിദാബാദ് സ്വദേശി ബാറുണ് ബഗ്ദിയും സഊദി പൗരനായ അബ്ദുള് മുഹ്സിനുമാണ് മരിച്ച മറ്റു രണ്ടുപേര്. ഇന്ഡ്യക്കാര് സഞ്ചരിച്ച ഉനൈത്തും, സഊദി പൗരന് സഞ്ചരിച്ച കാറും തമ്മില് കൂട്ടിയിടിക്കുകയായിരുന്നു. നടപടിക്രമങ്ങള് പൂര്ത്തിയാക്കിയശേഷം മൃതദേഹങ്ങള് തായിഫിലെ കിംഗ് ഫൈസല് ആശുപത്രിയില് സൂക്ഷിച്ചിരിക്കുകയാണ്.
