Crime | കണ്ണൂർ വനിതാ ജയിലിന് മുകളിൽ ഡ്രോൺ പറത്തിയെന്ന പരാതിയിൽ പൊലീസ് കേസെടുത്തു
● മാർച്ച് ഒന്നിന് രാത്രി 11.15 നാണ് ഡ്രോൺ പറത്തിയത്.
● ജയിലിന് 25 മീറ്റർ മുകളിലായാണ് ഡ്രോൺ പറത്തിയത്.
● വനിതാ ജയിൽ സൂപ്രണ്ട് റംലാബീവി ആണ് പരാതി നൽകിയത്.
കണ്ണൂർ: (KVARTHA) കണ്ണൂർ വനിതാ ജയിലിന് മുകളിൽ ഡ്രോൺ പറത്തിയ സംഭവത്തിൽ ടൗൺ പൊലീസ് കേസെടുത്തു. മാർച്ച് ഒന്നിന് രാത്രി 11.15 ഓടെയാണ് സംഭവം നടന്നത്. ജയിലിന് ഏകദേശം 25 മീറ്റർ മുകളിലായാണ് ഡ്രോൺ പോലുള്ള ഒരു ഇലക്ട്രിക് ഉപകരണം പറത്തിവിട്ടത് ജയിൽ ജീവനക്കാരുടെ ശ്രദ്ധയിൽപ്പെട്ടത്.
സംഭവത്തിൻ്റെ ഗൗരവം കണക്കിലെടുത്ത് ജയിൽ ജീവനക്കാർ ഉടൻതന്നെ മേലധികാരികൾക്ക് റിപ്പോർട്ട് ചെയ്തു. തുടർന്ന് വനിതാ ജയിൽ സൂപ്രണ്ട് റംലാബീവി ടൗൺ പൊലീസിൽ പരാതി നൽകി.
സംഭവത്തിൽ പൊലീസ് അന്വേഷണം ആരംഭിച്ചു. ഡ്രോൺ പറത്തിയത് ആരാണെന്ന് ഇതുവരെ കണ്ടെത്താനായിട്ടില്ല.
ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.
Police have filed a case after a drone was flown over Kannur Women’s Jail on March 1, and the identity of the person responsible is still unknown.
#Kannur #DroneIncident #PoliceCase #WomenJail #DroneFlying #Crime
