Arrested | 'സിനിമയ്ക്ക് കൊണ്ടുപോകാമെന്ന് പറഞ്ഞ് 11കാരിയെ തീയേറ്ററിലെത്തിച്ച് പീഡിപ്പിച്ചു'; സ്‌കൂള്‍ ബസ് ജീവനക്കാരന്‍ അറസ്റ്റില്‍
പാലക്കാട്: (www.kvartha.com) ചിറ്റൂരില്‍ 11കാരിയെ പീഡിപ്പിച്ചെന്ന പരാതിയില്‍ സ്‌കൂള്‍ ബസ് ജീവനക്കാരന്‍ അറസ്റ്റില്‍. രാജഗോപാല്‍ (60) ആണ് അറസ്റ്റിലായത്. വണ്ടിത്താവളം സ്‌കൂള്‍ ബസിലെ ക്ലീനറാണ് രാജഗോപാലന്‍. രണ്ടു മാസമായി ഇതേ ബസിലാണ് പെണ്‍കുട്ടി സ്‌കൂളില്‍ പോയിരുന്നതെന്നും പൊലീസ് പറഞ്ഞു.
സംഭവത്തെ കുറിച്ച് പൊലീസ് പറയുന്നത്: പെണ്‍കുട്ടിയെ സിനിമയ്ക്ക് കൊണ്ടു പോകാമെന്ന് പറഞ്ഞാണ് രാജഗോപാലന്‍ സ്‌കൂളില്‍ നിന്ന് ഇറക്കിയത്. ചിറ്റൂരിലെ കൈരളി തീയേറ്ററിലേക്കാണ് കൊണ്ടു വന്നത്. സിനിമ പ്രദര്‍ശിപ്പിക്കുന്നതിനിടെയാണ് പീഡിപ്പിച്ചത്. സമീപത്ത് ഇരുന്നയാളുടെ ശ്രദ്ധയില്‍ പെടുകയും ചിറ്റൂര്‍ പൊലീസില്‍ വിവരം അറിയിക്കുകയുമായിരുന്നു.
പൊലീസ് തീയേറ്ററിലെത്തി ഇയാളെ കസ്റ്റഡിയിലെടുത്തു. അച്ഛനോടെന്ന പോലെയുള്ള അടുപ്പാണ് രാജഗോപാലിനോട് പെണ്‍കുട്ടിക്ക് ഉണ്ടായിരുന്നത്. ഇത് മുതലെടുത്താണ് പ്രതി പെണ്‍കുട്ടിയെ വശത്താക്കിയത്. ഇയാളെ കുറിച്ച് സമാനമായ പരാതികള്‍ ഉണ്ടോയെന്ന് പൊലീസ് പരിശോധിക്കുന്നുണ്ട്.
Keywords: Palakkad, News, Kerala, Arrest, Arrested, Complaint, Crime, Molestation, Palakkad: School bus employee arrested for molestation case.
