തെരുവ് നായയുടെ ആക്രമണം; സ്ത്രീകൾ ഉൾപ്പെടെ 10 പേർക്ക് പരിക്ക്, നായ ചത്ത നിലയിൽ

കണ്ണൂർ: (KVARTHA) കണ്ണൂർ ബക്കളം പുന്നക്കുളങ്ങര ഭാഗത്ത് തെരുവ് നായയുടെ ആക്രമണം. ഞായറാഴ്ച ഉച്ചയ്ക്ക് ഒരു മണിയോടെയായിരുന്നു സംഭവം. സ്ത്രീകൾ ഉൾപ്പെടെ പത്ത് പേർക്ക് നായയുടെ കടിയേറ്റു. പരിഭ്രാന്തി പരത്തിയ നായയെ പിന്നീട് വൈകിട്ട് നാല് മണിയോടെ പുന്നക്കുളങ്ങര ഭാഗത്ത് ചത്ത നിലയിൽ കണ്ടെത്തി.

ആക്രമണം ഇങ്ങനെ

വീട്ടുമുറ്റത്ത് നിൽക്കുന്നവരെയും ഓട്ടോറിക്ഷയിൽ നിന്നും മറ്റും ഇറങ്ങി നടന്നവരെയും തെരുവ് നായ ആക്രമിക്കുകയായിരുന്നു. ആളുകളെ ഓടിച്ചിട്ട് കടിക്കുകയായിരുന്നുവെന്ന് ദൃക്സാക്ഷികൾ പറഞ്ഞു. കടിയേറ്റവരിൽ പലർക്കും കൈകളിലും കാൽമുട്ടിന്റെ ഭാഗത്തുമാണ് പരിക്കുകൾ ഉള്ളത്. ഗുരുതരമായി പരിക്കേറ്റവരെ പരിയാരത്തെ കണ്ണൂർ ഗവ. മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

നാട്ടുകാരുടെ ആശങ്ക

കഴിഞ്ഞ കുറച്ചു ദിവസങ്ങളായി പ്രദേശത്ത് തെരുവ് നായ ശല്യം രൂക്ഷമാണെന്ന് നാട്ടുകാർ പറയുന്നു. ആക്രമണം നടത്തിയ നായ ചത്തതോടെ, ഇത് പേവിഷബാധ മൂലമാണോ എന്ന് പരിശോധിക്കാൻ ആരോഗ്യവകുപ്പ് നടപടി സ്വീകരിക്കും.

ഇതുപോലുള്ള തെരുവ് നായ ആക്രമണങ്ങൾ പ്രദേശത്ത് ആശങ്ക സൃഷ്ടിക്കുകയാണ്. പരിസരവാസികൾ അതീവ ജാഗ്രത പാലിക്കണമെന്നും, കടിയേറ്റവർ കൃത്യമായ ചികിത്സയും വാക്സിനേഷനും ഉറപ്പാക്കണമെന്നും ആരോഗ്യവകുപ്പ് നിർദ്ദേശിച്ചു.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ സുഹൃത്തുക്കൾക്കും കുടുംബാംഗങ്ങൾക്കും ഷെയർ ചെയ്യൂ. ഇത്തരം പ്രാദേശിക വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. ഇത്തരം വിഷയങ്ങളിലുള്ള നിങ്ങളുടെ അഭിപ്രായം ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താനും മറക്കരുത്.

Article Summary: At least ten people, including women, were injured in a stray dog attack at Punnakkulangara near Bakkalam in Kannur on Sunday. The injured were admitted to the Kannur Government Medical College Hospital, Pariyaram. The stray dog was later found dead in the evening.

#KannurNews #Bakkalam #StrayDogAttack #PariyaramMedicalCollege #KeralaNews #PublicSafety #AnimalAttack