കോക്രോച്ച് ജനത പാർട്ടി നേതാക്കൾ ഇന്ത്യയിൽ നിന്നു തന്നെ രാഷ്ട്രീയ പ്രവർത്തനം നടത്തണമെന്ന് സന്തോഷ് പണ്ഡിറ്റ്

ചക്കരക്കൽ: (KVARTHA) കോക്രോച്ച് ജനത പാർട്ടി നേതാക്കൾ വിദേശങ്ങളിൽ ഇരുന്ന് രാഷ്ട്രീയ പ്രവർത്തനം നടത്തുന്നതിനെ വിമർശിച്ച് ചലച്ചിത്രനടനും സംവിധായകനുമായ സന്തോഷ് പണ്ഡിറ്റ്. ഭാരതീയ വിചാര കേന്ദ്രം ചക്കരക്കൽ സ്ഥാനീയ സമിതിയുടെ ആഭിമുഖ്യത്തിൽ ഗോകുലം ഓഡിറ്റോറിയത്തിൽ നടന്ന 'യുവ 26' യുവജന സെമിനാർ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

ഇന്ത്യയിൽ സർക്കാരിനെ വിമർശിക്കാനും പ്രതിപക്ഷമാകാനും ആർക്കും അവകാശമുണ്ട്. രാജ്യത്തെ ജനവികാരം പ്രതിഫലിപ്പിക്കുന്ന രീതിയിൽ രാഷ്ട്രീയ പ്രവർത്തനം ആർക്കും നടത്താം. പാറ്റയെയും ചൂലിനെയും രാഷ്ട്രീയ ചിഹ്നമായി തെരഞ്ഞെടുക്കുന്നതിൽ തെറ്റില്ല. 

എന്നാൽ, ഇന്ത്യയിലെ ഭരണകൂടത്തിനെതിരെ ബംഗ്ലാദേശിലോ പാക്കിസ്ഥാനിലോ അമേരിക്കയിലോ ഒക്കെ ഇരുന്ന് രാഷ്ട്രീയ പ്രവർത്തനം നടത്തുന്നത് അംഗീകരിക്കാൻ കഴിയില്ലെന്ന് സന്തോഷ് പണ്ഡിറ്റ് പറഞ്ഞു. രാജ്യവിരുദ്ധ ശക്തികളുടെ കൂടെ ചേരുന്നവർ അതിൻ്റെ പ്രത്യാഘാതങ്ങളും അനുഭവിക്കേണ്ടി വരുമെന്നും അദ്ദേഹം മുന്നറിയിപ്പ് നൽകി.

ചടങ്ങിൽ സംഘാടക സമിതി ചെയർമാൻ സി.കെ. ദിനേഷ് അധ്യക്ഷനായി. കവി സി. മണികണ്ഠൻ, അഡ്വ. ആതിര എന്നിവർ സംസാരിച്ചു. തുടർന്ന് 'മാറുന്ന ലോകം, പുതുതലമുറയും കരുതലുമെന്ന' വിഷയത്തിൽ ഡിവൈഎസ്പി രംഗീഷ് കടവത്ത് പ്രഭാഷണം നടത്തി. വത്സലൻ കൂടാളി അധ്യക്ഷനായ യുവജന സംവാദവും കലാപരിപാടികളും നടന്നു.

ഉച്ചയ്ക്ക് ശേഷം നടന്ന വിവിധ സെഷനുകളിൽ അജയകുമാർ മീനോത്ത്, എ.കെ. രാഗേഷ് എന്നിവർ സംസാരിച്ചു. സമാപന സമ്മേളനം ജില്ലാ സെക്രട്ടറി അഡ്വ. കെ. അശോകൻ ഉദ്ഘാടനം ചെയ്തു. ഇ. കൃതീഷ് മണി അധ്യക്ഷനായി.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. ഇത്തരം രാഷ്ട്രീയ പ്രതികരണങ്ങളെക്കുറിച്ചുള്ള നിങ്ങളുടെ അഭിപ്രായം ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: Actor and director Santhosh Pandit, while inaugurating the 'Yuva 26' youth seminar in Chakkarakkal, urged leaders of the 'Cockroach Janata Party' to conduct political activities from within India rather than from abroad. He emphasized that while criticism is a democratic right, political activism against the Indian government from foreign soil is unacceptable.

#SanthoshPandit #CockroachJanataParty #Chakkarakkal #Yuva26 #PoliticalDebate #KannurNews #KeralaPolitics #YouthSeminar