Jobs | ബാങ്കിൽ സർക്കാർ ജോലി, 4455 ഒഴിവുകൾ; അപേക്ഷിക്കാൻ അവസാന അവസരം; അറിയേണ്ടതെല്ലാം 

ന്യൂഡൽഹി: (KVARTHA) ഇന്ത്യൻ ബാങ്കിംഗ് പേഴ്‌സണൽ സെലക്ഷൻ ഇൻസ്റ്റിറ്റ്യൂട്ട് (IBPS) പ്രൊബേഷണറി ഓഫീസർ (PO) തസ്തികകളിലേക്ക് 4455 ഒഴിവുകൾ പ്രഖ്യാപിച്ചിട്ടുണ്ട്. ഈ അവസരം മുതലാക്കാൻ ആഗ്രഹിക്കുന്ന ഉദ്യോഗാർത്ഥികൾക്ക് അപേക്ഷിക്കാനുള്ള അവസാന തീയതി ആഗസ്റ്റ് 21 ആണ്. 

സർക്കാർ ജോലി ആഗ്രഹിക്കുന്ന ഉദ്യോഗാർത്ഥികൾക്ക് ഇതൊരു മികച്ച അവസരമാണ്. താൽപ്പര്യമുള്ളവരും യോഗ്യതയുള്ളവരുമായ ഉദ്യോഗാർത്ഥികൾ ഔദ്യോഗിക വെബ്സൈറ്റ് സന്ദർശിക്കുകയും കാലതാമസമില്ലാതെ ഉടൻ അപേക്ഷിക്കുകയും വേണം. അപേക്ഷാ ഫീസും ഓഗസ്റ്റ് 21ന് അർദ്ധരാത്രി 12 മണിക്ക് മുമ്പായി അടക്കാം

പ്രധാന വിവരങ്ങൾ:

ഒഴിവുകൾ: 4455
അപേക്ഷിക്കാനുള്ള അവസാന തീയതി: ആഗസ്റ്റ് 21 
വെബ്സൈറ്റ്: www(dot)ibps(dot)in

അപേക്ഷാ ഫീസ്: ജനറൽ/ഒബിസി - 850 രൂപ, എസ്‌സി/എസ്‌ടി/പിഡബ്ല്യുഡി - 175 രൂപ. അപേക്ഷാ ഫീസ് ഓൺലൈൻ മോഡിൽ അടയ്‌ക്കേണ്ടി വരും.
പരീക്ഷാ തീയതി: പ്രീലിംസ് - 19, 20 ഒക്ടോബർ 2024; മെയിൻസ് - 30 നവംബർ 2024

പരീക്ഷാ പാറ്റേൺ

ഇംഗ്ലീഷ്, കണക്കുകൂട്ടൽ, യുക്തിചിന്ത എന്നീ വിഷയങ്ങളിൽ നിന്നായി 100 മാർക്കിന്റെ ഒബ്ജക്റ്റീവ് തരത്തിലുള്ള ചോദ്യങ്ങൾ. ഇംഗ്ലീഷ് ഭാഷയിൽ നിന്ന് 30 ചോദ്യങ്ങളും ക്വാണ്ടിറ്റേറ്റീവ് ആപ്റ്റിറ്റ്യൂഡിൽ നിന്ന് 35 ചോദ്യങ്ങളും റീസണിംഗ് എബിലിറ്റിയിൽ നിന്ന് 35 ചോദ്യങ്ങളും ചോദിക്കും. ആകെ 60 മിനിറ്റായിരിക്കും പരീക്ഷ.

വിവിധ ബാങ്കുകളിലെ ഒഴിവുകൾ:

ബാങ്ക് ഓഫ് ഇന്ത്യ: 885
കാനറാ ബാങ്ക്: 750
സെൻട്രൽ ബാങ്ക് ഓഫ് ഇന്ത്യ: 1500
ഇന്ത്യൻ ഓവർസീസ് ബാങ്ക്: 260
പഞ്ചാബ് നാഷണൽ ബാങ്ക്: 200
പഞ്ചാബ് എൻഡ് സിന്ധ് ബാങ്ക്: 360

തിരഞ്ഞെടുപ്പ് പ്രക്രിയ:

തിരഞ്ഞെടുപ്പ് പ്രക്രിയ മൂന്ന് ഘട്ടങ്ങളിലായിരിക്കും.

* പ്രാഥമിക പരീക്ഷ (പ്രീലിംസ്): ക്വാളിഫൈയിങ് ഘട്ടമാണിത്.
* പ്രധാന പരീക്ഷ (മെയിൻസ്): ലെവലിന് അനുസരിച്ച് വിവിധ വിഭാഗങ്ങളിൽ ചോദ്യങ്ങൾ ഉണ്ടാകും.
* ഇന്റർവ്യൂ: അഭിമുഖത്തിൽ വ്യക്തിത്വം, ആത്മവിശ്വാസം എന്നിവ വിലയിരുത്തപ്പെടും.
* മെയിൻ പരീക്ഷയിലും അഭിമുഖത്തിലും ലഭിച്ച മാർക്കിൻ്റെ അടിസ്ഥാനത്തിലാണ് ഉദ്യോഗാർത്ഥികളുടെ മെറിറ്റ് ലിസ്റ്റ് തയ്യാറാക്കുന്നത്.

#IBPSPO #bankingjobs #governmentjobs #recruitment #career #India