പിറന്നാള്‍ ദിനത്തില്‍ കുഞ്ഞു മാലാഖയെ ആരാധകര്‍ക്ക് മുന്നില്‍ കാട്ടി ദുല്‍ഖര്‍

(www.kvartha.com 29.07.2017) രണ്ടുമാസത്തെ കാത്തിരിപ്പിന് വിരാമമിട്ട് കുഞ്ഞുമാലാഖയെ ആരാധകര്‍ക്ക് മുന്നില്‍ കാട്ടി നടന്‍ ദുല്‍ഖര്‍ സല്‍മാന്‍. മെയ് അഞ്ചിനാണ് ദുല്‍ഖര്‍- അമാല്‍ ദമ്പതികള്‍ക്ക് പെണ്‍കുഞ്ഞു പിറന്നത്. കാത്തിരുന്ന രാജകുമാരി പിറന്നു എന്നു പറഞ്ഞുകൊണ്ട് ദുല്‍ഖര്‍ തന്നെയാണ് സന്തോഷവാര്‍ത്ത ആരാധകരുമായി പങ്കുവെച്ചത്. എന്നാല്‍ കുഞ്ഞിന്റെ ചിത്രമെന്ന പേരില്‍ ചില വ്യാജ ചിത്രങ്ങള്‍ പുറത്തു വരികയും ദുല്‍ഖര്‍ അതിനോടു പ്രതികരിക്കുകയും ചെയ്തിരുന്നു.

ഇത്തരം വ്യാജവാര്‍ത്തകള്‍ തന്നെ വിഷമിപ്പിക്കുന്നുണ്ടെന്നും സമയമാകുമ്പോള്‍ കുഞ്ഞിന്റെ ചിത്രം പുറത്തുവിടുമെന്നും ദുല്‍ഖര്‍ നേരത്തെ പറഞ്ഞിരുന്നു. മരിയം അമീറ സല്‍മാന്‍ എന്നാണ് ദുല്‍ഖറിന്റെ രാജകുമാരിയുടെ പേര്. കുഞ്ഞിന്റെ ചിത്രം പുറത്തുവിട്ടിരുന്നില്ലെങ്കിലും കുഞ്ഞുരാജകുമാരിയുടെ വിശേഷങ്ങള്‍ ദുല്‍ഖര്‍ ആരാധകരുമായി പങ്കുവെയ്ക്കാറുണ്ടായിരുന്നു.


ദുല്‍ഖറിന്റെ ജന്മദിനത്തോടനുബന്ധിച്ച് ഫാന്‍സ്‌പേജുകളാണ് കുടുംബവുമൊത്തുള്ള ദുല്‍ഖറിന്റെ ചിത്രം സമൂഹമാധ്യമങ്ങളിലൂടെ പങ്കുവെച്ചത്. എന്നാല്‍ ഇത് ദുല്‍ഖറിന്റെ കുഞ്ഞുതന്നെയാണോ എന്ന കാര്യത്തില്‍ ദുല്‍ഖര്‍ ഇതുവരെ പ്രതികരിച്ചിട്ടില്ല. കുഞ്ഞുരാജകുമാരിയോടും ഭാര്യ അമാലിനോടുമൊപ്പമുള്ള ദുല്‍ഖര്‍ ചിത്രം വെര്‍ച്വല്‍ ലോകത്ത് വൈറലായിക്കൊണ്ടിരിക്കുകയാണ് ഇപ്പോള്‍.

2011 ഡിസംബറിലായിരുന്നു ദുല്‍ഖറിന്റേയും അമാലിന്റേയും വിവാഹം. ആറുവര്‍ഷത്തിനുശേഷമാണ് ദമ്പതികള്‍ക്ക് കുഞ്ഞുപിറന്നത്.

കാസര്‍കോട്ട് വിദ്യാര്‍ത്ഥികളും യുവാക്കളും ലഹരിയില്‍ മുങ്ങുന്നു; സ്‌കൂളുകളില്‍ അക്രമം നടത്തുന്ന കുട്ടികള്‍ക്ക് മാഫിയ സംരക്ഷണം, പോലീസ് നിഷ്‌ക്രിയം