സിനിമാ സ്വപ്നവുമായി നടക്കുന്ന യുവതീ യുവതാക്കളെ വഞ്ചിക്കുന്ന ഇയാളെ സൂക്ഷിക്കുക; സിനിമ നിർമ്മിക്കാമെന്ന വ്യാജേന ലക്ഷങ്ങൾ തട്ടിയെടുക്കുന്നയാളുടെ വിവരങ്ങൾ പുറത്ത് വിട്ട് സംവിധായകൻ ആഷിഖ് അബു

കൊച്ചി: (www.kvartha.com 27.04.2017) സിനിമാ സ്വപ്നവുമായി നടക്കുന്ന യുവതീ യുവതാക്കളെ  വഞ്ചിക്കുന്ന ആളെ സൂക്ഷിക്കണമെന്ന് സംവിധായകൻ ആഷിഖ് അബു. സാൾട്ട് & പെപ്പര്‍ സിനിമയുടെ നിര്‍മ്മാതാവാണെന്ന പേരില്‍ ആളുകളെ പറ്റിക്കുന്ന ലുക്‌സാം സദാനന്ദൻ എന്നയാൾ പലരെയും ചതിച്ചതായി വിവരം  ലഭിച്ചതിനെ തുടർന്നാണ് ഇങ്ങനെ പോസ്റ്റിടുന്നതെന്നും ഇയാളെ സൂക്ഷിക്കണമെന്നും ആഷിഖ് അബു പറഞ്ഞു. ചതിക്കപ്പെട്ടെന്ന രതീഷ് കൃഷ്ണയുടെ പോസ്റ്റാണ് സംവിധായകൻ ഷെയർ ചെയ്തിരിക്കുന്നത്.

സിനിമ നിര്‍മ്മിക്കാന്‍ പോകുകയാണെന്നും നല്ല അവസരങ്ങള്‍ നല്‍കാമെന്നും പറഞ്ഞ് നാലുലക്ഷത്തിലേറെ രൂപ തന്നില്‍ നിന്നും തട്ടിയെടുത്തതായി രതീഷ് കൃഷ്ണ പോസ്റ്റിട്ടിരുന്നു. തന്നെ കൂടാതെ ഒരുപാട് സിനിമാ മോഹികളെ ഇയാള്‍ പറ്റിച്ചിട്ടുണ്ടെന്നും ഇയാള്‍ക്കെതിരെ പോലീസില്‍ പരാതി നല്‍കിയിട്ടുണ്ടെന്നും രതീഷ് കൃഷ്ണ പോസ്റ്റിൽ പറഞ്ഞു. ഇയാളെ കുറിച്ച് എന്തെങ്കിലും വിവരങ്ങള്‍ ലഭിക്കുന്നവര്‍ ബാംഗ്ലൂര്‍-മുംബൈ-കൊച്ചി-കൊല്ലം പോലീസ് കമ്മീഷണര്‍ കാര്യാലയങ്ങളിൽ  അറിയിക്കണമെന്നും ഇദ്ദേഹം ഫേസ്ബുക്ക്‌ പോസ്റ്റിലൂടെ ആവശ്യപ്പെടുന്നു.


സിനിമാ മോഹവുമായി നടക്കുന്നവരെ ഒരുപാടാളുകൾ പറ്റിക്കുന്നുണ്ട്. പണം തന്നാൽ അവസരം നൽകാമെന്ന് പറഞ്ഞാണ് ഇത്തരക്കാർ യുവതീ യുവാക്കളെ കബളിപ്പിക്കുന്നത്. പലരും മാനഹാനി ഓർത്താണ് ഇത്തരം തട്ടിപ്പുകൾ പുറത്ത് പറയാതിരിക്കുന്നത്