Wedding | നടി അമേയ മാത്യു വിവാഹിതയായി; സോഫ്റ്റ്‌വെയർ എഞ്ചിനീയർ കിരൺ കട്ടിക്കാരനാണ് വരൻ

കൊച്ചി: (KVARTHA) സിനിമ താരം അമേയ മാത്യു വിവാഹിതയായി. അമേയയുടെ ഭർത്താവ് കിരൺ കട്ടിക്കാരൻ ഒരു സോഫ്റ്റ്‌വെയർ എഞ്ചിനീയറാണ്. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ഒരു ചെറിയ ചടങ്ങായിരുന്നു വിവാഹം.

വിവാഹ ചിത്രങ്ങൾ സമൂഹമാധ്യമങ്ങളിൽ പങ്കുവെച്ചുകൊണ്ട് അമേയ തന്റെ സുഹൃത്തുക്കളെയും ആരാധകരെയും അറിയിച്ചു. തന്റെ ജീവിതത്തിലെ പുതിയ അധ്യായത്തിൽ എല്ലാവരുടെയും ആശീർവാദം തേടുകയാണെന്ന് അമേയ കുറിച്ചു.

മുമ്പ്, തന്റെ പ്രതിശ്രുത വരനുമായുള്ള മോതിരം കൈമാറുന്ന ചിത്രങ്ങൾ അമേയ സമൂഹമാധ്യമങ്ങളിൽ പങ്കുവെച്ചിരുന്നു. എന്നാൽ വരന്റെ മുഖം വെളിപ്പെടുത്താത്തതിൽ ചില വിമർശനങ്ങൾ ഉയർന്നിരുന്നു. ഇതിന് മറുപടിയായി, താൻ ഉചിതമായ സമയത്ത് വരന്റെ മുഖം വെളിപ്പെടുത്തുമെന്ന് അമേയ പറഞ്ഞിരുന്നു.

ജയസൂര്യ നായകനായ 'ആട്' എന്ന ചിത്രത്തിലൂടെയാണ് അമേയ സിനിമയിൽ അരങ്ങേറിയത്. 'ഖജറാവോ ഡ്രീംസ്', 'രഥം വൂള്‍ഫ്' തുടങ്ങിയ ചിത്രങ്ങളിലും അഭിനയിച്ചു.