സംസ്ഥാനത്ത് സ്വര്‍ണവിലയില്‍ കുതിപ്പ് തുടരുന്നു; പവന് 160 രൂപ കൂടി
● നിലവിലെ പവൻ വില 73,360 രൂപ.
● 22 കാരറ്റിന് ഗ്രാമിന് 20 രൂപ കൂടി.
● 18 കാരറ്റിനും വില വർധിച്ചു.
● വെള്ളിക്ക് വ്യത്യസ്ത നിരക്കുകൾ.
കൊച്ചി: (KVARTHA) സംസ്ഥാനത്ത് ജൂലൈ 19 ന് ശനിയാഴ്ചയും സ്വര്‍ണവിലയില്‍ വമ്പന്‍ കുതിപ്പ് രേഖപ്പെടുത്തി. 22 കാരറ്റ് സ്വര്‍ണത്തിന് ഗ്രാമിന് 20 രൂപ കൂടി 9170 രൂപയിലും പവന് 160 രൂപ കൂടി 73360 രൂപയിലുമാണ് വ്യാപാരം നടക്കുന്നത്.
വെള്ളിയാഴ്ച (18.07.2025) രാവിലെ ഒരു വിഭാഗത്തിന് കൂടിയും മറ്റേ വിഭാഗത്തിന് മാറ്റമില്ലാതെയും 22 കാരറ്റ് സ്വര്‍ണത്തിന്റെ വില വ്യത്യസ്ത നിരക്കുകളിലെത്തിയിരുന്നു. ഓള്‍ കേരള ഗോള്‍ഡ് ആന്‍ഡ് സില്‍വര്‍ മെര്‍ച്ചന്റ്‌സ് അസോസിയേഷനിലെ (AKGSMA) കെ സുരേന്ദ്രന്‍ പ്രസിഡന്റും അഡ്വ. എസ് അബ്ദുള്‍ നാസര്‍ സെക്രട്ടറിയുമായുള്ള വിഭാഗത്തിന് 22 കാരറ്റ് സ്വര്‍ണത്തിന്റെ വിലയില്‍ മാറ്റമില്ലായിരുന്നു. ഗ്രാമിന് 9100 രൂപയിലും പവന് 72800 രൂപയിലുമാണ് രാവിലെ വ്യാപാരം നടന്നത്.
അതേസമയം, ഡോ. ബി ഗോവിന്ദന്‍ ചെയര്‍മാനും ജസ്റ്റിന്‍ പാലത്ര പ്രസിഡന്റുമായുള്ള (AKGSMA) വിഭാഗത്തിന് 22 കാരറ്റ് സ്വര്‍ണത്തിന്റെ വില വര്‍ധിച്ചിരുന്നു. ഗ്രാമിന് അഞ്ച് രൂപ കൂടി 9110 രൂപയിലും പവന് 40 രൂപ കൂടി 72880 രൂപയിലുമാണ് വ്യാപാരം നടന്നത്.
എന്നാല്‍ ഉച്ചക്ക് ശേഷം 22 കാരറ്റ് സ്വര്‍ണത്തിന് ഒറ്റയടിക്ക് വില വര്‍ധിച്ച് ഇരുവിഭാഗത്തിനും ഒരേ നിരക്കിലേക്ക് എത്തുകയായിരുന്നു. കെ സുരേന്ദ്രന്‍ വിഭാഗത്തിന് 22 കാരറ്റ് സ്വര്‍ണത്തിന് ഗ്രാമിന് 50 രൂപ കൂടി 9150 രൂപയിലും പവന് 400 രൂപ കൂടി 73200 രൂപയിലും ബി ഗോവിന്ദന്‍ വിഭാഗത്തിന് ഗ്രാമിന് 40 രൂപ കൂടി 9150 രൂപയിലും പവന് 320 രൂപ കൂടി 73200 രൂപയിലുമാണ് വ്യാപാരം നടന്നത്.
18 കാരറ്റിനും വില കൂടി
കെ സുരേന്ദ്രന്‍ വിഭാഗത്തിന് ജൂലൈ 19 ന് ഗ്രാമിന് 15 രൂപ കൂടി 7520 രൂപയിലും പവന് 120 രൂപ കൂടി 60160 രൂപയിലുമാണ് കച്ചവടം നടക്കുന്നത്.
ബി ഗോവിന്ദന്‍ വിഭാഗത്തിന് ശനിയാഴ്ച ഗ്രാമിന് 15 രൂപ കൂടി 7555 രൂപയും പവന് 120 രൂപ കൂടി 60440 രൂപയിലുമാണ് കച്ചവടം നടക്കുന്നത്.
വെള്ളിക്ക് വ്യത്യസ്ത നിരക്കുകള്‍
ശനിയാഴ്ച കൂടിയും മാറ്റമില്ലാതെയും ഒരു ഗ്രാം സാധാരണ വെള്ളിക്കും വ്യത്യസ്ത വിലകളിലാണ് ഇരു വിഭാഗത്തിനും കച്ചവടം നടന്നത്. കെ സുരേന്ദ്രന്‍ വിഭാഗത്തിന് ഒരു ഗ്രാം സാധാരണ വെള്ളിക്ക് 123 രൂപയിലും മറു വിഭാഗത്തിന് 123 രൂപയില്‍നിന്ന് ഒരു രൂപ കൂടി 124 രൂപയിലുമാണ് വ്യാപാരം നടക്കുന്നത്.
സ്വർണവില ഇങ്ങനെ തുടർച്ചയായി കൂടുന്നത് സാധാരണക്കാരെ എങ്ങനെ ബാധിക്കും? നിങ്ങളുടെ അഭിപ്രായം പങ്കുവെക്കുക.
Article Summary: Kerala gold price continues rally, up ₹160 a sovereign.
#GoldPriceKerala #GoldRate #KeralaMarket #Investment #BusinessNews #MarketUpdate
