Follow KVARTHA on Google news Follow Us!
ad

Google | പുതുമുഖങ്ങൾക്കും കഴിവുള്ളവർക്കും ഗൂഗിളിൽ അവസരം; ഇന്റേൺഷിപ്പിന് അപേക്ഷ ക്ഷണിച്ചു; 80,000 രൂപ ശമ്പളം ലഭിക്കും; എങ്ങനെ അപേക്ഷിക്കാം എന്നതടക്കം അറിയാം

വിദ്യാർഥികൾക്ക് സുവർണാവസരം Google, Internship, Jobs, Computer Science
ന്യൂഡെൽഹി: (www.kvartha.com) പുതുമുഖങ്ങളും കഴിവുള്ളരുമായ ആളുകളെ തേടി ഗൂഗിൾ. കമ്പ്യൂട്ടർ സയൻസിലോ അനുബന്ധ മേഖലകളിലോ ബിരുദം, ബിരുദാനന്തര ബിരുദം അല്ലെങ്കിൽ ഡ്യുവൽ ഡിഗ്രി പ്രോഗ്രാമുകളുടെ അവസാന വർഷ വിദ്യാർഥികൾക്ക് സുവർണാവസരമാണ് ഗൂഗിൾ വിന്റർ ഇന്റേൺഷിപ്പ്. ഗൂഗിളിലെ ഒരു സോഫ്റ്റ്‌വെയർ എൻജിനീയറിംഗ് ഇന്റേൺ എന്ന നിലയിൽ, കമ്പനിയുടെ പ്രധാന ഉൽപന്നങ്ങളും സേവനങ്ങളും ഇതിലൂടെ മനസിലാക്കാനാവും. ഒപ്പം ഗൂഗിളിന്റെ സാങ്കേതിക ശക്തിയെ കൂടുതൽ ശക്തിപ്പെടുത്തുന്നതിനും അവസരം നൽകുന്നു.

News, National, New Delhi, Google, Internship, Jobs, Computer Science, Google offers lucrative Rs 80,000 internship for Winter 2024, apply by Oct 1

സെർച്ച് ഗുണനിലവാരം വർധിപ്പിക്കുക, കമ്പ്യൂട്ടിംഗ് പ്ലാറ്റ്ഫോമുകളും നെറ്റ്‌വർക്കിംഗ് സാങ്കേതികവിദ്യകളും വികസിപ്പിക്കുക, വീഡിയോ ഇൻഡെക്‌സിംഗ് ഓട്ടോമേറ്റ് ചെയ്യുക തുടങ്ങിയവ എന്നിവ ഇന്റേൺഷിപ്പിൽ ഉൾപ്പെടാം. ഗൂഗിളിന്റെ നിലവിലുള്ള ഉത്പന്നങ്ങൾ മെച്ചപ്പെടുത്തുന്നതിന് സോഫ്‌റ്റ്‌വെയർ ആപ്ലിക്കേഷനുകൾ ഗവേഷണം ചെയ്യാനും അവസരം ലഭിക്കും. ആശയങ്ങൾ സൃഷ്ടിക്കാനും വികസിപ്പിക്കാനും കഴിയും.

വിശദാംശങ്ങൾ

* ശമ്പളം: പ്രതിമാസം 83,947 രൂപ
* ജോലി സ്ഥലങ്ങൾ: ബാംഗ്ലൂരും ഹൈദരാബാദും
* അപേക്ഷിക്കേണ്ട അവസാന തീയതി: 2023 ഒക്ടോബർ ഒന്ന്
* ഇന്റേൺഷിപ്പ് കാലാവധി: 2024 ജനുവരി മുതൽ 22-24 ആഴ്ച വരെ
* ആപ്ലിക്കേഷൻ ലിങ്ക്; https://cse(dot)noticebard(dot)com/internships/google-winter-internship-2024/

എങ്ങനെ അപേക്ഷിക്കാം

അപേക്ഷിക്കാൻ സി വി അല്ലെങ്കിൽ റെസ്യൂമയും അനൗദ്യോഗിക അല്ലെങ്കിൽ ഔദ്യോഗിക ഇംഗ്ലീഷ് ട്രാൻസ്ക്രിപ്റ്റും തയ്യാറാക്കുക. ആപ്ലിക്കേഷൻ പേജ് സന്ദർശിച്ച് ഈ ഘട്ടങ്ങൾ പാലിക്കുക.

* Resume വിഭാഗത്തിൽ, നിങ്ങളുടെ സി വി അല്ലെങ്കിൽ റെസ്യൂമെ അറ്റാച്ചുചെയ്യുക. അതിൽ നിങ്ങളുടെ കോഡിംഗ് ഭാഷാ പ്രാവീണ്യം ഉൾപ്പെടുന്നുവെന്ന് ഉറപ്പാക്കുക.
* 'Higher education' വിഭാഗത്തിൽ, വിശദാംശങ്ങൾ പൂരിപ്പിച്ച് 'Degree status' കീഴിൽ 'Now attending' തിരഞ്ഞെടുക്കുക. തുടർന്ന്, നിങ്ങളുടെ നിലവിലെ അല്ലെങ്കിൽ സമീപകാല അനൗദ്യോഗിക അല്ലെങ്കിൽ ഔദ്യോഗിക ഇംഗ്ലീഷ് ട്രാൻസ്ക്രിപ്റ്റ് അപ്ലോഡ് ചെയ്യുക. നിങ്ങൾക്ക് ഇഷ്ടപ്പെട്ട ജോലിസ്ഥലം തിരഞ്ഞെടുക്കാനുള്ള അവസരവും നിങ്ങൾക്കുണ്ട്.

യോഗ്യത

* സോഫ്‌റ്റ്‌വെയർ വികസനത്തിലോ അനുബന്ധ സാങ്കേതിക മേഖലയിലോ ശ്രദ്ധ കേന്ദ്രീകരിച്ച് ഒരു അസോസിയേറ്റ്, ബാച്ചിലേഴ്‌സ് അല്ലെങ്കിൽ മാസ്റ്റർ ഡിഗ്രി പ്രോഗ്രാമിൽ എൻറോൾമെന്റ്.
* സോഫ്റ്റ്‌വെയർ വികസനത്തിൽ പരിചയം.
* ഒന്നോ അതിലധികമോ ഭാഷകളിൽ കോഡിംഗ് പ്രാവീണ്യം (ഉദാ, C, C++, Java, JavaScript, Python).

Keywords: News, National, New Delhi, Google, Internship, Jobs, Computer Science, Google offers lucrative Rs 80,000 internship for Winter 2024, apply by Oct 1
< !- START disable copy paste -->

Post a Comment