ഇത്തരം അപകടങ്ങള്‍ ഒഴിവാക്കാന്‍ അറ്റകൈ തന്നെ പ്രയോഗിച്ചിരിക്കയാണ് മഹാരാഷ്ട്ര മുഖ്യമന്ത്രി ഏകനാഥ് ഷിന്‍ഡെ. കേരളത്തിന് മാതൃകയാക്കാവുന്ന ഒരു തീരുമാനമാണ് അദ്ദേഹം താനെ നഗരസഭയിലെ റോഡുകള്‍ നന്നാക്കാനായി എടുത്തിരിക്കുന്നത്. കുഴിയില്ലാത്ത റോഡുകള്‍ ഉറപ്പാക്കുക എന്ന ഒറ്റ ലക്ഷ്യം മാത്രമേ ഉള്ളൂ പുതിയ തീരുമാനത്തിന്.
ഇനി മുതല്‍ റോഡിലെ ഓരോ കുഴിക്കും ഒരു ലക്ഷം രൂപ വീതം കരാറുകാരനില്‍ നിന്നും പിഴയായി ഈടാക്കാനാണ് താനെ നഗരസഭയുടെ തീരുമാനം. കഴിഞ്ഞ ദിവസം മഹാരാഷ്ട്ര മുഖ്യമന്ത്രി ഏകനാഥ് ഷിന്‍ഡെയാണ് ഇക്കാര്യം അറിയിച്ചത്. താനെയില്‍ 134 കിലോമീറ്റര്‍ റോഡുകളുടെ വികസനപ്രവര്‍ത്തനങ്ങളാണ് നടന്നുകൊണ്ടിരിക്കുന്നത്.
ഷിന്‍ഡെയുടെ വാക്കുകള്‍:
റോഡുകളുടെ നിലവാരം കുറഞ്ഞാല്‍ ഉദ്യോഗസ്ഥര്‍ക്കെതിരെ നടപടി വരും. നഗരത്തില്‍ എവിടെയെങ്കിലും വെള്ളം കെട്ടിക്കിടന്നാലും ബന്ധപ്പെട്ട ഉദ്യോഗസ്ഥര്‍ നടപടി നേരിടേണ്ടി വരും. അതേസമയം നല്ല രീതിയില്‍ കാര്യങ്ങള്‍ മുന്നോട്ട് പോയാല്‍ ഉദ്യോഗസ്ഥരെ അനുമോദിക്കും' -എന്നും ഷിന്‍ഡെ പറഞ്ഞു.
Keywords: Rs 1L fine per pothole on new Thane roads: CM, Mumbai, News, Road Construction, Contractor, Fined, Chief Minister, Warning, Accident, National.