Arrested | മയക്കുമരുന്നുമായി യുവാവ് അറസ്റ്റിൽ

കണ്ണൂർ: (www.kvartha.com) വീണ്ടും സിന്തറ്റിക് മയക്കുമരുന്ന് വേട്ട. ബ്രൗൺഷുഗറുമായി യുവാവിനെ തലശേരി ടൗൺ പൊലീസ് പിടികൂടി. മലപ്പുറം ജില്ലയിലെ എൻ ശ്രീജിത്തിനെയാണ് എസ്ഐ സജേഷ് സി ജോസ് അറസ്റ്റ് ചെയ്തത്. കൂട്ടുപ്രതി ഓടി രക്ഷപ്പെട്ടതായി പൊലീസ് പറഞ്ഞു.

തിരുവങ്ങാട് റെയിൽവെ ഓവർ ബ്രിഡ്ജിന് സമീപം വെച്ചാണ് യുവാവ് പൊലീസ് പിടിയിലായത്. പരിശോധനയിൽ ഇയാളിൽ നിന്നും 1.857 ഗ്രാം ബ്രൗൺഷുഗർ പിടിച്ചെടുത്തു. ഒപ്പമുണ്ടായിരുന്നയാളെ തിരിച്ചറിഞ്ഞിട്ടുണ്ട്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.

Keywords: Latest-News, News, Top-Headlines, Kannur, Arrest, Drugs, Police, Seized, Thalassery, Young man arrested with drugs.