സംഭവത്തിന്റെ വീഡിയോ അജ്മാൻ പൊലീസ് പോസ്റ്റ് ചെയ്തിട്ടുണ്ട്. അധികൃതർ ഇടപെട്ട് സംസാരിക്കുന്നതും
പാലത്തിൽ നിന്ന് ചാടുന്നതിൽ നിന്ന് പ്രവാസിയെ പിന്തിരിപ്പിക്കുന്നതും വീഡിയോയിൽ കാണാം. ഒരു പൊലീസ് ഉദ്യോഗസ്ഥൻ പ്രവാസിയുമായി സംസാരിക്കുന്നതിനിടെ മറ്റൊരു ഉദ്യോഗസ്ഥൻ അയാളെ പിന്നിൽ നിന്ന് പിടികൂടുകയായിരുന്നു. ഉടൻ മറ്റ് രണ്ട് ഉദ്യോഗസ്ഥരും അപകടത്തിൽ നിന്ന് കരകയറ്റാൻ കുതിച്ചെത്തി.
شرطة عجمان تنقذ شاباً حاول الانتحار بسبب ضائقة مالية pic.twitter.com/O1QcgFSQgI
— ajmanpoliceghq (@ajmanpoliceghq) December 11, 2022
തുടർന്ന് പ്രവാസിയെ ഹമീദിയ പൊലീസ് സ്‌റ്റേഷനിലേക്ക് കൊണ്ടുപോയി. അന്വേഷണത്തിന് ശേഷം ഇയാൾ കടുത്ത സാമ്പത്തിക ബുദ്ധിമുട്ടുകൾ നേരിടുന്നുണ്ടെന്ന് കണ്ടെത്തിയതായും അതുകൊണ്ടാണ് ജീവിതം അവസാനിപ്പിക്കാൻ തീരുമാനിച്ചതെന്നും പൊലീസ് ഓപ്പറേഷൻസ് ഡയറക്ടർ ജനറൽ കൂട്ടിച്ചേർത്തു. മാനസിക പ്രശ്നനങ്ങളോ രോഗങ്ങളോ ഇയാൾക്കില്ലെന്നും കണ്ടെത്തിയിട്ടുണ്ട്. കടം വീട്ടാനും സാമ്പത്തിക പ്രശ്നങ്ങൾ പരിഹരിക്കാനും സഹായിക്കുന്നതിനായി കേസ് പിന്നീട് കമ്മ്യൂണിറ്റി പൊലീസിന് കൈമാറി.
(ആത്മഹത്യ ഒന്നിനും പരിഹാരമല്ല. മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന്‍ ശ്രമിക്കുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോൾ ഫ്രീ നമ്പർ: 1056, 04712552056)
Keywords: Watch: UAE police rescue man who tried to jump off bridge, kill himself in Ajman, international,News,Top-Headlines,Latest-News,Dubai,Police,UAE,Investigates.