തിരുവനന്തപുരം: (www.kvartha.com) സതീഷ് ബാബു പയ്യന്നൂരിന്റെ നിര്യാണത്തില് അനുശോചനം രേഖപ്പെടുത്തി മുഖ്യമന്ത്രി പിണറായി വിജയന്. മലയാള സാഹിത്യത്തിന് തന്റേതായ സംഭാവനകള് നല്കിയ എഴുത്തുകാരനാണ് സതീഷ് ബാബു എന്ന് അനുശോചന സന്ദേശത്തില് മുഖ്യമന്ത്രി പറഞ്ഞു.
ലളിതമായ ഭാഷയില് എഴുതിയിരുന്ന അദ്ദേഹത്തിന്റെ കഥകള് മലയാളി വായനക്കാര്ക്ക് പ്രിയപ്പെട്ടതാണ്. ദൃശ്യമാധ്യമ രംഗത്തും അദ്ദേഹം വ്യക്തിമുദ്ര പതിപ്പിച്ചു. ഭാരത് ഭവന്റെ മെമ്പര് സെക്രടറി എന്ന നിലയില് സാംസ്കാരിക വിനിമയത്തിനുതകുന്ന പരിപാടികള് സംഘടിപ്പിക്കുന്നതില് സജീവമായി ഇടപെട്ടുവെന്നും മുഖ്യമന്ത്രി അഭിപ്രായപ്പെട്ടു.
അദ്ദേഹത്തിന്റെ കുടുംബത്തിന്റെയും സുഹൃത്തുക്കളുടെയും ദുഃഖത്തില് പങ്കുചേരുന്നുവെന്നും മുഖ്യമന്ത്രി പറഞ്ഞു.
Keywords: Kerala CM condoles death of Satish Babu Payyannur, Thiruvananthapuram, News, Writer, Chief Minister, Pinarayi-Vijayan, Dead, Obituary, Kerala.