പൈലറ്റ് പ്രോജക്റ്റിനായി, രാജ്യത്തെ ഒമ്പത് ബാങ്കുകൾ - സ്റ്റേറ്റ് ബാങ്ക് ഓഫ് ഇൻഡ്യ, ബാങ്ക് ഓഫ് ബറോഡ, യൂണിയൻ ബാങ്ക് ഓഫ് ഇൻഡ്യ, എച് ഡിഎഫ്‌സി ബാങ്ക്, ഐസിഐസിഐ ബാങ്ക്, കൊട്ടക് മഹീന്ദ്ര ബാങ്ക്, യെസ് ബാങ്ക്, ഐഡിഎഫ്‌സി ഫസ്റ്റ് ബാങ്ക്, എച് എസ്ബിസി ബാങ്ക് - ഉൾപെടുത്തിയിട്ടുണ്ട്. ഈ വർഷത്തെ ബജറ്റിൽ ഡിജിറ്റൽ കറൻസി പുറത്തിറക്കുമെന്ന് ധനമന്ത്രി നിർമല സീതാരാമൻ പ്രഖ്യാപിച്ചിരുന്നു.
ഇതിനുശേഷം, സിബിഡിസിയുടെ ലോഞ്ച് ഘട്ടംഘട്ടമായി നടത്തുമെന്നും അത് ഉടൻ പ്രഖ്യാപിക്കുമെന്നും റിസർവ് ബാങ്ക് അറിയിച്ചിരുന്നു. ഇത് കൊണ്ടുവരാനുള്ള വഴിയാണ് ഇപ്പോൾ തെളിഞ്ഞത്. നിലവിൽ, ഈ കറൻസി ഒരു പൈലറ്റ് പ്രോജക്റ്റായി പുറത്തിറങ്ങും, ഇത് പിന്നീട് സാധാരണക്കാർക്കും ലഭ്യമായേക്കും.
എന്തുകൊണ്ട് CBDC ആവശ്യം ?
അടുത്ത യുഗം ഡിജിറ്റൽ കറൻസിയുടെതാണ്. ലോകബാങ്ക് പോലുള്ള സംഘടനകൾ പരസ്യമായി പ്രശംസിച്ച ഈ ദിശയിലേക്ക് ഇൻഡ്യ അതിവേഗം നീങ്ങുകയാണ്. മൊബൈൽ വാലറ്റിൽ നിന്ന് നിമിഷങ്ങൾക്കുള്ളിൽ ഇടപാടുകൾ നടക്കുന്നതുപോലെ, ഡിജിറ്റൽ പണവും പ്രവർത്തിക്കും. സമ്പദ്‌വ്യവസ്ഥയിലും നല്ല സ്വാധീനം ചെലുത്തും.