തിരുവനന്തപുരം: (www.kvartha.com) പാറശ്ശാലയില് ഷാരോണിന്റെ കൊലപാതകത്തില് പ്രതികരണവുമായി തിരുവനന്തപുരം മേയര് ആര്യ രാജേന്ദ്രന്. ഏറെ ഞെട്ടിക്കുന്നതും ക്രൂരവുമായ കൊലപാതകം നമ്മുടെ പ്രണയ സങ്കല്പ്പങ്ങളെയും പ്രണയത്തിന്റെ വിശാലമായ കാഴ്ചപ്പാടിനെയും ഇല്ലാതാക്കുന്നതാണെന്ന് ആര്യ ഫെയ്സ്ബുകില് കുറിച്ചു.
പാനൂരിലെ വിഷ്ണു പ്രിയയെ പ്രണയപ്പകയില് അറുത്തു കൊന്നതും ഷാരോണിനെ വിഷം കൊടുത്തു കൊന്നതും പ്രണയമറയില് നടത്തിയ ക്രൂരതയാര്ന്ന കൊലപാതങ്ങള് ആണ്. നമ്മുടെ തലമുറ പ്രണയിക്കാനും പ്രണയ നിരാസങ്ങളെ കൈകാര്യം ചെയ്യാനും ഇനിയും ഏറെ പഠിക്കേണ്ടതുണ്ടെന്നും ആര്യ രാജേന്ദ്രന് ഫെയ്സ്ബുകില് കുറിച്ചു.
ആര്യ രാജേന്ദ്രന്റെ ഫെയ്സ്ബുകിന്റെ പൂര്ണരൂപം:
പ്രണയത്തിന്റെ മാനവികതയാകെ നഷ്ടപ്പെടുന്ന വാര്ത്തകളാണ് തുടര്ച്ചയായി വന്നു കൊണ്ടിരിക്കുന്നത് അതില് അവസാനത്തേതാണ് പാറശ്ശാലയിലെ ഷാരോണിന്റെ മരണം
കാമുകിയായ ഗ്രീഷ്മ കഷായത്തില് വിഷം ചേര്ത്തു നല്കി നടത്തിയ നിഷ്ഠുരമായ കൊലപാതകമാണെന്ന് പോലീസ് കണ്ടെത്തിയിരിക്കുന്നത്.
ഏറെ ഞെട്ടിക്കുന്നതും ക്രൂരവുമായ കൊലപാതകം നമ്മുടെ പ്രണയ സങ്കല്പ്പങ്ങളെയും പ്രണയത്തിന്റെ വിശാലമായ കാഴ്ചപ്പാടിനെയും ഇല്ലാതാക്കുന്നതാണ്. പാനൂരിലെ വിഷ്ണു പ്രിയയെ പ്രണയപ്പകയില് അറുത്തു കൊന്നതും ഷാരോണിനെ വിഷം കൊടുത്തു കൊന്നതും പ്രണയമറയില് നടത്തിയ ക്രൂരതയാര്ന്ന കൊലപാതങ്ങള് ആണ്.
നമ്മുടെ തലമുറ പ്രണയിക്കാനും പ്രണയ നിരാസങ്ങളെ കൈകാര്യം ചെയ്യാനും ഇനിയും ഏറെ പഠിക്കേണ്ടതുണ്ട്.
ജീവനെടുക്കുന്ന പ്രണയപ്പകകള് ഇല്ലാത്ത പ്രണയ ലോകങ്ങള് പിറക്കാനുള്ള സാമൂഹ്യാവബോധം പുതുതലമുറയില് ഉണ്ടാക്കാന് നമുക്ക് ജാഗ്രത കാട്ടാം...
പാറശാലയിലെ ഷാരോണിന് ആദരാഞ്ജലികള്
Keywords: Thiruvananthapuram, News, Kerala, Facebook, Facebook Post, Post, Mayor Arya Rajendran's facebook post on Sharon murder case.