'നിറയെ സ്‌നേഹം. മാക്‌സിനും അഗസ്റ്റിനും അടുത്ത വര്‍ഷം ഒരു സഹോദരിയെ കൂടി ലഭിക്കാന്‍ പോകുന്ന വിവരം സന്തോഷത്തോടെ പങ്കുവെക്കട്ടെ' എന്നായിരുന്നു ഭാര്യക്കൊപ്പമുള്ള ഫോടോ സഹിതം സകര്‍ബര്‍ഗ് കുറിച്ചത്.
ഹാര്‍ഡ് വാര്‍ഡ് സര്‍വകലാശാലയിലെ സഹപാഠികളായിരുന്ന സകര്‍ബര്‍ഗും പ്രിസ്‌കില്ല ചാനും 2012 ലാണ് വിവാഹിതരായത്. അഗസ്റ്റ്, മാക്‌സിമ എന്നിങ്ങനെ രണ്ട് പെണ്‍കുട്ടികളുള്ള ദമ്പതികള്‍ ഈയടുത്താണ് 10-ാം വിവാഹ വാര്‍ഷികം ആഘോഷിച്ചത്.
മുമ്പ് ലോകത്തെ ഏറ്റവും സമ്പന്നരില്‍ ഒരാളായിരുന്നു സകര്‍ബര്‍ഗ്. എന്നാല്‍ അടുത്ത കാലത്തായി അദ്ദേഹത്തിന്റെ ആസ്തിയില്‍ ഇടിവുണ്ടായി. മെറ്റാ പ്ലാറ്റ്ഫോംസ് ഇന്‍കോര്‍പറേറ്റിന്റെ ചീഫ് എക്സിക്യൂടിവ് ഓഫീസര്‍ക്ക് അദ്ദേഹത്തിന്റെ സമ്പത്തിന്റെ 54% അഥവാ 68.3 ബില്യണ്‍ ഡോളര്‍ നഷ്ടമാണ് അടുത്തകാലത്തായി നേരിട്ടത്.
ബ്ലൂംബെര്‍ഗ് ബില്യണയേഴ്സ് ഇന്‍ഡക്സ് ട്രാക് ചെയ്ത അതിസമ്പന്നരില്‍ ഏറ്റവും വലിയ നഷ്ടം സംഭവിച്ചതും ഇദ്ദേഹത്തിനാണ്. ഈ വര്‍ഷം ഇതുവരെ 71 ബില്യണ്‍ ഡോളറിന്റെ നഷ്ടമുണ്ടായതോടെ അദ്ദേഹത്തിന്റെ സമ്പത്ത് പകുതിയായി കുറഞ്ഞു. 55.9 ബില്യണ്‍ ഡോളറാണ് നിലവില്‍ അദ്ദേഹത്തിന്റെ ആസ്തി. 106 ബില്യണ്‍ ഡോളര്‍ ആസ്തി നേടിയായിരുന്നു, ജെഫ് ബെസോസും ബില്‍ ഗേറ്റ്സും മാത്രമുള്ള ആഗോള ശതകോടീശ്വരന്‍മാരുടെ കൂട്ടത്തില്‍ രണ്ട് വര്‍ഷം മുമ്പ് 38 കാരനായ സകര്‍ബര്‍ഗും എത്തിയത്.
2021 സെപ്റ്റംബറില്‍ കംപനിയുടെ ഓഹരികള്‍ 382 ഡോളറിലെത്തിയപ്പോള്‍ അദ്ദേഹത്തിന്റെ സമ്പത്ത് ഏറ്റവും ഉയര്‍ന്ന് 142 ബില്യണ്‍ ഡോളറിലെത്തി. അടുത്ത മാസം, സകര്‍ബര്‍ഗ് മെറ്റ അവതരിപ്പിക്കുകയും കംപനിയുടെ പേര് Facebook Inc എന്നതില്‍ നിന്ന് മാറ്റുകയും ചെയ്തതിനു പിറകെയാണ് നഷ്ടങ്ങള്‍ സംഭവിക്കാന്‍ തുടങ്ങിയത്.
Keywords: Mark Zuckerberg And Priscilla Chan Expecting Baby No 3, 'Lots Of Love', New York, News, Pregnant Woman, Business Man, Social Media, Child, World.