ഗൂഗിള് പുതിയ നിയമനങ്ങള് മരവിപ്പിക്കാനുള്ള സമയപരിധി നീട്ടിയിട്ടുണ്ട്. ഇതിന് ശേഷം ഗൂഗിള് ജീവനക്കാര് പിരിച്ചുവിടലുകളെ ഭയപ്പെടുന്നുവെന്ന് ന്യൂയോര്ക് പോസ്റ്റ് റിപോര്ട് ചെയ്തു. കടുത്ത സാമ്പത്തിക പ്രതിസന്ധി കാരണം ഉല്പാദനക്ഷമത മെച്ചപ്പെടുത്തണമെന്ന് ഗൂഗിള് സിഇഒ സുന്ദര് പിച്ചൈയും കഴിഞ്ഞ മാസം അവസാനം ജീവനക്കാരോട് പറഞ്ഞിരുന്നു.
ഈ വര്ഷം മുഴുവനും തങ്ങളുടെ നിയമനം മന്ദഗതിയിലാക്കുമെന്ന് ഗൂഗിള് ഇതിനകം പറഞ്ഞിട്ടുണ്ട്, എന്നാല് പ്രധാന സ്ഥാനങ്ങളിലേക്കുള്ള നിയമനം തുടരും. പല വന്കിട ടെക്നോളജി കംപനികളും ധാരാളം ജീവനക്കാരെ പിരിച്ചുവിടുകയാണ്. മാന്ദ്യത്തെക്കുറിച്ച് കംപനികള് ആശങ്കാകുലരാണെന്ന് വിദഗ്ധര് സമ്മതിക്കുന്നു. അതിനാലാണ് കംപനികള് ചിലവ് കുറയ്ക്കാന് ശ്രമിക്കുന്നത്. ഗൂഗിളിന്റെ മാതൃ കംപനിയായ ആല്ഫബെറ്റ് ഏപ്രില്-ജൂണ് കാലയളവില് (Q2) പ്രതീക്ഷിച്ചതിലും ദുര്ബലമായ വരുമാനമാണ് റിപോര്ട് ചെയ്തത്. കഴിഞ്ഞ വര്ഷം ഇതേ പാദത്തിലെ 62 ശതമാനത്തില് നിന്ന് വരുമാന വളര്ച 13 ശതമാനമായി കുറഞ്ഞു.
Keywords: Latest-News, World, Top-Headlines, Google, Warning, Workers, Report, Business, Website, 'There will be blood on streets,' say Google executives amid ongoing layoffs.
< !- START disable copy paste -->