മൈക്രോസോഫ്റ്റിന്റെ ഉടമസ്ഥതയിലുള്ള ലിങ്ക്ഡ് ഇനിലെ പോസ്റ്റുകള്‍ അനുസരിച്ച്, അടുത്തിടെയുള്ള പിരിച്ചുവിടലുകൾ പല സ്ഥലങ്ങളിലുമുള്ള കരാര്‍ ജീവനക്കാരെയും ബാധിച്ചു.
'ഉപഭോക്താക്കളെ തിരിച്ചുപിടിക്കുക' എന്ന ലക്ഷ്യത്തോടെ 2018-ല്‍ സംയോജിപ്പിച്ച, മൈക്രോസോഫ്റ്റിന്റെ മോഡേണ്‍ ലൈഫ് എക്സ്പീരിയന്സ് (MLX) ഗ്രൂപിലാണ് ജോലി വെട്ടിക്കുറയ്ക്കലുകള്‍ കേന്ദ്രീകരിച്ചിരിക്കുന്നതെന്ന് കംപനിയിലെ ഉന്നത ഉദ്യോഗസ്ഥനെ ഉദ്ധരിച്ച് മാധ്യമങ്ങൾ റിപോർട് ചെയ്തു.
'മോഡേണ്‍ ലൈഫ് എക്സ്പീരിയന്സ് ടീമിലെ 200 ഓളം ജീവനക്കാരോട് 60 ദിവസത്തിനകം കംപനിയില്‍ മറ്റൊരു സ്ഥാനം കണ്ടെത്താനും അല്ലെങ്കില്‍ രാജിവെയ്ക്കാനും പറഞ്ഞിട്ടുണ്ട്. അതേസമയം വിശദാംശങ്ങള്‍ നല്‍കാന്‍ കംപനി വക്താവ് വിസമ്മതിച്ചു, എന്നാല്‍ 'പിരിച്ചുവിടലിന്റെ കാര്യം നിഷേധിച്ചില്ല', റിപോർട് പറയുന്നു.
നിലവിലെ കലൻഡര്‍ വര്‍ഷത്തിന്റെ രണ്ടാം പാദത്തില്‍ കംപനി ലാഭത്തില്‍ ഇടിവ് പ്രഖ്യാപിച്ചതിനെത്തുടര്‍ന്ന് സ്നാപ്ചാറ്റ് അടുത്തിടെ നിരവധി ജീവനക്കാരെ പിരിച്ചുവിടാന്‍ പദ്ധതിയിട്ടിരുന്നു. അമേരികന്‍ സോഷ്യല്‍ മീഡിയ സ്ഥാപനത്തിന്റെ അറ്റനഷ്ടം 2021ലെ ഇതേ പാദത്തിലെ 152 മില്യണില്‍ നിന്ന് ഇക്കൊല്ലത്തെ രണ്ടാം പാദത്തില്‍ 422 മില്യണ്‍ ഡോളറായി വര്‍ധിച്ചു.
നിലവിലെ സാമ്പത്തിക മാന്ദ്യത്തില്‍ ജീവനക്കാരെ പിരിച്ചുവിടുകയോ നിയമനം മന്ദഗതിയിലാക്കുകയോ ചെയ്ത മറ്റ് സാങ്കേതിക സ്ഥാപനങ്ങളില്‍ Google, Meta, Oracle, Twitter, Nvidia, Snap, Uber, Spotify, Intel, Salesforce എന്നിവ ഉള്‍പെടുന്നു. ക്ലൗഡ് വരുമാനത്തില്‍ 26 ശതമാനം (വര്‍ഷാവര്‍ഷം) കുതിച്ചുചാട്ടവും മൊത്തത്തിലുള്ള വരുമാനം 49.4 ബില്യണ്‍ ഡോളറുമായി മൂന്നാം പാദത്തില്‍ യുഎസ് ടെക് ഭീമനായ മൈക്രോസോഫ്ട് ശക്തമായ വരുമാനം രേഖപ്പെടുത്തി. എന്നിരുന്നാലും, കഴിഞ്ഞ മാസം, കംപനി അതിന്റെ നാലാം പാദ വരുമാനവും വരുമാന മാര്‍ഗനിര്‍ദേശവും നഷ്ടമായി കണക്കാക്കി.