എന്നാൽ ഈ നീക്കം വളരെ നല്ല നടപടിയായി സാമ്പത്തിക വിദഗ്ധർ കണക്കാക്കുന്നില്ല. 2022 അവസാനത്തോടെ യുകെ മാന്ദ്യത്തിന്റെ പിടിയിലായിരിക്കുമെന്ന് ബാങ്ക് ഓഫ് ഇൻഗ്ലണ്ട് റിപോർടിൽ പറയുന്നു. ഇത് 2008 സാമ്പത്തിക പ്രതിസന്ധിക്ക് ശേഷമുള്ള ഏറ്റവും ദൈർഘ്യമേറിയതും 1990 കളിലെ പോലെ ആഴത്തിലുള്ളതുമായിരിക്കുമെന്നാണ് അഭിപ്രായം. ശൈത്യകാലത്ത് ഗ്യാസിന്റെയും ഇന്ധനത്തിന്റെയും വില ഉയരുന്നതിനാൽ ബാങ്ക് ഓഫ് ഇൻഗ്ലണ്ട് മുന്നറിയിപ്പിൽ ഇക്കാര്യം വെളിപ്പെടുത്തിയതായി മാധ്യമങ്ങൾ റിപോർട് ചെയ്തു.
കോവിഡിനും യുക്രൈൻ യുദ്ധത്തിനും ശേഷം ഭക്ഷണം, ഇന്ധനം, ഗ്യാസ്, മറ്റ് പല ഉൽപന്നങ്ങളുടെയും വിലകൾ ഉയരുകയാണ്. ഗവർണർ ആൻഡ്രൂ ബെയ്‌ലി സാമ്പത്തിക പ്രതിസന്ധിക്കും ഇന്ധന ആഘാതങ്ങൾക്കും റഷ്യൻ നടപടികളെയാണ് കുറ്റപ്പെടുത്തിയതെന്ന് ഡെയ്‌ലി മെയിൽ റിപോർട് ചെയ്തു. ഇന്ധന വിലകൾ സമ്പദ്‌വ്യവസ്ഥയെ അഞ്ച് പാദ മാന്ദ്യത്തിലേക്ക് തള്ളിവിടുകയും മൊത്ത ആഭ്യന്തര ഉൽപാദനം (GDP) 2023 ൽ ഓരോ പാദത്തിലും ചുരുങ്ങുകയും 2.1 ശതമാനം കുറയുകയും ചെയ്യുമെന്ന് റിപോർട് പറയുന്നു.