കണക്റ്റിവിറ്റികും പാൻ-ഇൻഡ്യ നിയന്ത്രിത സേവനങ്ങൾക്കുമായി എറിക്സണും നോകിയയുമായുള്ള ബന്ധം എയർടെൽ പരാമർശിക്കുകയും സാംസങ്ങുമായുള്ള പങ്കാളിത്തം ഈ വർഷം ആരംഭിക്കുമെന്നും പറഞ്ഞു. സുനിൽ മിത്തലിന്റെ നേതൃത്വത്തിലുള്ള കംപനി 900 MHz, 1800 MHz, 2100 MHz, 3300 MHz, 26 GHz ബാൻഡുകളിലായി 19,867.8 MHz സ്പെക്ട്രം സ്വന്തമാക്കി.
ലേലത്തിൽ ഭാരതി എയർടെൽ 43,084 കോടി രൂപയുടെ സ്‌പെക്‌ട്രമാണ് നേടിയത്. ഇൻഡ്യയിൽ 5ജി വിപ്ലവത്തിന് തുടക്കം കുറിക്കാൻ തയ്യാറാണെന്ന് കംപനി അറിയിച്ചു. ഓഗസ്റ്റിൽ എയർടെൽ 5ജി സേവനങ്ങൾ ആരംഭിക്കുമെന്ന് പ്രഖ്യാപിക്കുന്നതിൽ ഞങ്ങൾക്ക് സന്തോഷമുണ്ടെന്ന് എയർടെലിന്റെ ചീഫ് എക്സിക്യൂട്ടീവ് ഓഫീസർ (CEO) ഗോപാൽ വിട്ടൽ പറഞ്ഞു.
നെറ്റ്‌വർക് കരാറുകൾക്ക് അന്തിമരൂപം നൽകിയിട്ടുണ്ടെന്നും 5ജി കണക്റ്റിവിറ്റിയുടെ മുഴുവൻ ആനുകൂല്യങ്ങളും ഉപഭോക്താക്കൾക്ക് എത്തിക്കുന്നതിന് ലോകത്തെമ്പാടുമുള്ള മികച്ച സാങ്കേതിക പങ്കാളികളുമായി എയർടെൽ പ്രവർത്തിക്കുമെന്നും വിട്ടൽ അറിയിച്ചു. ഇൻഡ്യ ഒരു ഡിജിറ്റൽ സമ്പദ്‌വ്യവസ്ഥയായി മാറുന്നത് ടെലികോം മേഖലയുടെ നേതൃത്വത്തിലായിരിക്കുമെന്നും 5G സേവനങ്ങൾ ഇൻഡ്യയിലെ വ്യവസായങ്ങളിലും സാമൂഹിക-സാമ്പത്തിക വികസനത്തിലും മാതൃകാപരമായ മാറ്റം കൊണ്ടുവരുമെന്നും അദ്ദേഹം വ്യക്തമാക്കി.
Keywords: New Delhi, India, News, Top-Headlines, Internet, Nokia, Mobile Phone, Airtel to launch 5G services in India this month.