പരാതിക്കാരിയായ യുവതി സ്വന്തം ഇഷ്ടപ്രകാരമാണ് ഹരജിക്കാരന്റെ കൂടെ താമസിച്ചിരുന്നതെന്നും അതിനാൽ, ഇപ്പോൾ ബന്ധം തുടരുന്നില്ലെങ്കിൽ, ഐപിസി 376 (2) വകുപ്പ് പ്രകാരം കുറ്റത്തിന് എഫ്‌ഐആർ ഫയൽ ചെയ്യാൻ കഴിയില്ലെന്ന് ഉത്തരവിൽ പറയുന്നു. നേരത്തെ രാജസ്താൻ ഹൈകോടതി യുവാവിന് ജാമ്യം നിഷേധിച്ചിരുന്നു. വിവാഹവാഗ്ദാനം നൽകിയാണ് യുവതിയുമായി ബന്ധത്തിലേർപ്പെട്ടതെന്നും അവൾക്ക് ഒരു കുട്ടിയുണ്ടെന്നും യുവാവ് അംഗീകരിച്ചതായി മെയ് 19ന് രാജസ്താൻ ഹൈകോടതി മുൻകൂർ ജാമ്യം നിഷേധിച്ച് കൊണ്ട് പറഞ്ഞിരുന്നു. എന്നാൽ, ഹൈകോടതി വിധി, സുപ്രീം കോടതി റദ്ദാക്കി ജാമ്യം അനുവദിക്കുകയായിരുന്നു.
ഇരുവരും നാല് വർഷമായി ബന്ധത്തിലായിരുന്നുവെന്നും യുവതി അൻസാറിനൊപ്പം താമസിക്കാൻ തുടങ്ങുമ്പോൾ അവൾക്ക് 21 വയസായിരുന്നുവെന്നും കോടതി നിരീക്ഷിച്ചു. ഇത് കണക്കിലെടുത്താണ് സുപ്രീം കോടതി ജാമ്യം അനുവദിച്ചത്. മുൻകൂർ ജാമ്യത്തിന്റെ കാര്യത്തിൽ മാത്രമാണ് ഈ നിരീക്ഷണമെന്നും അന്വേഷണം മുന്നോട്ട് പോകുമെന്നും ബെഞ്ച് വ്യക്തമാക്കി.