സംഭവത്തില്‍ അസിസ്റ്റന്റ് സബ് ഇന്‍സ്പെക്ടര്‍ കദം കുവന്‍ മദന്‍ സിങ്ങിന്റെ വലതു കൈയ്ക്ക് പരിക്കേറ്റതായി ഉദ്യോഗസ്ഥര്‍ പറഞ്ഞു. സിങ്ങിനെ കൂടാതെ മറ്റാര്‍ക്കും പരിക്കേറ്റിട്ടില്ലെന്ന് സീനിയര്‍ പൊലീസ് സൂപ്രണ്ട് മാനവ്ജിത് സിംഗ് ധില്ലണ്‍ അറിയിച്ചു.
'കുറച്ച് ദിവസങ്ങള്‍ക്ക് മുമ്പ് പട്ന സര്‍വകലാശാലയിലെ പടേല്‍ ഹോസ്റ്റലില്‍ നിന്ന് വെടിമരുന്ന് കണ്ടെടുത്തിരുന്നു. തുടര്‍ന്ന് അന്വേഷണത്തിന് അനുമതി തേടി ഞങ്ങള്‍ കോടതിയെ സമീപിച്ചു. വെടുമരുന്ന് കോടതി പരിസരത്ത് കൊണ്ടുവന്നതിന് തൊട്ടുപിന്നാലെയാണ് സ്ഫോടനമുണ്ടായത്. ഒരു പൊലീസ് ഉദ്യോഗസ്ഥന് പരിക്കേറ്റു, അപകടനില തരണം ചെയ്തിട്ടുണ്ട്' പിര്‍ബഹോര്‍ പൊലീസ് സ്റ്റേഷന്റെ ചുമതലയുള്ള സാബിഉൽ ഹഖ് പറഞ്ഞു.