കട്-ഓഫ് മാർക്, ടോപേഴ്‌സ് ലിസ്റ്റ് തുടങ്ങിയവ ടെസ്റ്റിംഗ് ഏജൻസി ഉടൻ പ്രഖ്യാപിക്കും. യോഗ്യതാ കട്-ഓഫ്, അഡ്മിഷൻ കട് ഓഫ് എന്നിങ്ങനെ രണ്ട് തരം കട് ഓഫുകൾ ഉണ്ടെന്ന് ശ്രദ്ധിക്കണം. മികച്ച 2.5 ലക്ഷം റാങ്ക് നേടിയവർക്ക് ജെഇഇ അഡ്വാൻസ് 2022-ൽ പങ്കെടുക്കാം.
ജെഇഇ മെയിൻ യോഗ്യത നേടുന്നതിനും ജെഇഇ അഡ്വാൻസ് 2022-ൽ പങ്കെടുക്കുന്നതിനും ആവശ്യമായ ഏറ്റവും കുറഞ്ഞ മാർകാണ് ജെഇഇ മെയിൻ 2022 യോഗ്യതാ കട് ഓഫ്. ഓരോ സ്ഥാപനത്തിന്റെയും ഓപണിംഗ്, ക്ലോസിംഗ് റാങ്കുകൾ നിശ്ചയിക്കുന്ന ഏറ്റവും കുറഞ്ഞ സ്കോർ ആണ് അഡ്മിഷൻ കട് ഓഫ്.
ഫലം അറിയാൻ
1. jeemain(dot)nta(dot)nic അല്ലെങ്കിൽ nta(dot)ac(dot)in വെബ്സൈറ്റ് സന്ദർശിക്കുക.
2. ഹോം പേജിൽ, 'JEE Main 2022 result' എന്ന ലിങ്കിൽ ക്ലിക് ചെയ്യുക.
3. പുതിയ പേജിൽ, നിങ്ങളുടെ ലോഗിൻ വിശദാംശങ്ങൾ നൽകുക.
'Submit' നൽകിയ ശേഷം ഫലം കാണാം. സ്കോർ കാർഡ് ഡൗൺലോഡ് ചെയ്യുക.
ഐഐഐടികൾ, എൻഐടികൾ, ജിഎഫ്ടിഐകൾ എന്നിവ വാഗ്ദാനം ചെയ്യുന്ന ബിടെക്/ബിആർക്/ബിപ്ലാൻ കോഴ്സുകളിലേക്കുള്ള പ്രവേശനത്തിനായാണ് ജെഇഇ മെയിൻസ് നടത്തുന്നത്.