'പെൺകുട്ടി അടുത്തിടെ കാമുകന്റെ ജന്മദിനാഘോഷത്തിനായി വീട്ടിൽ എത്തിയിരുന്നു. കാമുകനും പെൺകുട്ടിയും ഒരുമിച്ചുള്ള ചിത്രം കൈക്കലാക്കിയ സഹപാഠിയായ കുറ്റവാളികളിലൊരാൾ, അത് മാതാപിതാക്കളെ കാണിക്കുമെന്ന് പറഞ്ഞ് ബ്ലാക് മെയിൽ ചെയ്യുകയും സ്കൂളിന് പുറകിലുള്ള തന്റെ വീട്ടിലേക്ക് വരാൻ ആവശ്യപ്പെടുകയും ചെയ്തു. ഈ മാസം ഒന്നാം തീയതി ഉച്ചഭക്ഷണ ഇടവേളയിൽ പെൺകുട്ടി അവിടെ പോയപ്പോൾ, മൂന്ന് സഹപാഠികൾ ലൈംഗികമായി പീഡിപ്പിക്കുകയും ഒരാൾ കുറ്റകൃത്യം വീഡിയോയിൽ പകർത്തുകയും ചെയ്തു, അത് പിന്നീട് മറ്റ് വിദ്യാർഥികളുമായി പങ്കിട്ടു.
ബലാത്സംഗം ചെയ്യുന്ന വീഡിയോയെക്കുറിച്ച് അറിഞ്ഞ കാമുകൻ തന്റെ ജൂനിയർ വിദ്യാർഥികളുമായി ബന്ധപ്പെടുകയും വീഡിയോകൾ തന്റെ മൊബൈൽ ഫോണിലേക്ക് അയയ്ക്കാൻ അവരോട് ആവശ്യപ്പെടുകയും ചെയ്തു. സഹപാഠികളുടെ ഗ്രൂപുകൾക്കിടയിൽ വീഡിയോ പ്രചരിക്കാൻ തുടങ്ങിയതോടെ പെൺകുട്ടി ധൈര്യം സംഭരിക്കുകയും സംഭവം അമ്മയോട് പറയുകയും ചെയ്തു. തുടർന്ന് അമ്മ ആവിനൻകുടി പൊലീസിൽ പരാതി നൽകി', പൊലീസ് പറഞ്ഞു. പോക്സോ ഉൾപെടെയുള്ള വിവിധ വകുപ്പുകളാണ് സഹപാഠികൾക്കെതിരെ ചുമത്തിയിട്ടുള്ളത്. പോക്സോ നിയമത്തിലെ 13, 14 വകുപ്പുകൾ പ്രകാരമാണ് കാമുകനെതിരെ കേസെടുത്തത്. പ്രതികൾക്ക് പ്രായപൂർത്തിയാകാത്തതിനാൽ ഒബ്സർവേഷൻ ഹോമിലേക്ക് മാറ്റി.