ശിവസേനാ സ്ഥാപകന് ബാല് താകറെയുടെയും ആനന്ദ് ഡിഗെയുടേയും
പേര് ഷിന്ഡെ സത്യവാചകത്തില് പരാമര്ശിച്ചു. ആനന്ദ് ഡിഗെയുടെ ഡ്രൈവറായിട്ടായിരുന്നു ഷിന്ഡെ ശിവസേനയുമായി ബന്ധപ്പെടുന്നത്. ശിവസേനയിലെ വിമത നീക്കങ്ങള്ക്ക് മുന്നില് നിന്നത് ഷിന്ഡെ ആയിരുന്നു. മഹാരാഷ്ട്രയിലെ 20-ാമത്തെ മുഖ്യമന്ത്രിയാണ് ഷിന്ഡെ. രാത്രി 7.30ന് രാജ്ഭവനിലെ ദര്ബാര് ഹാളിലായിരുന്നു സത്യപ്രതിജ്ഞ.
ഉപമുഖ്യമന്ത്രിയായി ബിജെപി നേതാവ് ദേവേന്ദ്ര ഫഡ്നാവിസും സത്യപ്രതിജ്ഞ ചെയ്തു. കുടുംബ സമേതമാണ് ഫഡ്നാവിസ് ചടങ്ങിനെത്തിയത്. മന്ത്രിസഭയില്നിന്നു വിട്ടുനില്ക്കുമെന്ന് ആദ്യം പ്രഖ്യാപിച്ചെങ്കിലും ബിജെപി കേന്ദ്രനേതൃത്വത്തിന്റെ നിര്ദേശപ്രകാരമാണ് അദ്ദേഹം ഉപമുഖ്യമന്ത്രി സ്ഥാനമേറ്റെടുത്തത്. കേന്ദ്രനേതൃത്വത്തിന്റെ തീരുമാനം ഫഡ്നാവിസ് അംഗീകരിക്കുകയായിരുന്നുവെന്ന് കേന്ദ്ര ആഭ്യന്തര മന്ത്രി അമിത് ഷാ പറഞ്ഞു.
ഷിന്ഡെയുടെ നേതൃത്വത്തില് ശിവസേനയില് നടത്തിയ വിമതനീക്കത്തിനൊടുവിലാണ് അദ്ദേഹം മുഖ്യമന്ത്രി സ്ഥാനത്തേയ്ക്ക് എത്തുന്നത്. ദേവേന്ദ്ര ഫഡ്നാവിസ് മുഖ്യമന്ത്രിയാകുമെന്നായിരുന്നു അവസാനനിമിഷം വരെയുള്ള സൂചനയെങ്കിലും ഗവര്ണറുമായുള്ള കൂടിക്കാഴ്ചയ്ക്കുശേഷം അപ്രതീക്ഷിത പ്രഖ്യാപനം ഉണ്ടാകുകയായിരുന്നു. അതുവരെ ഒരു സൂചന പോലും പുറത്തുവിടാതെയായിരുന്നു ബിജെപി നീക്കം.
Keywords: Twist In The Tale: Eknath Shinde Sworn-In As Maharashtra CM, Fadnavis His Deputy, Mumbai, Trending, Politics, Shiv Sena, BJP, National, News.