ഗുവാഹതിയില്‍ നിന്ന് ബുധനാഴ്ച രാത്രി ഗോവയിലെത്തിയ ഷിന്‍ഡെയും മറ്റ് വിമത എംഎല്‍എമാരും ഡോണ പോളയിലെ റിസോര്‍ടിലാണ് തങ്ങിയത്. മറ്റ് എംഎല്‍എമാര്‍ റിസോര്‍ടില്‍ തുടരുകയാണ്, വ്യാഴാഴ്ച ഉച്ചയ്ക്ക് 12.20 ഓടെ കനത്ത പൊലീസ് സുരക്ഷയ്ക്കിടയില്‍ ഷിന്‍ഡെ പുറത്തിറങ്ങി.
ബുധനാഴ്ച രാത്രി ഉദ്ധവ് താകറെ മഹാരാഷ്ട്ര മുഖ്യമന്ത്രിസ്ഥാനം രാജിവച്ചതോടെ ബിജെപിക്ക് വീണ്ടും അധികാരത്തിലെത്താന്‍ വഴിയൊരുങ്ങുകയായിരുന്നു. ഷിന്‍ഡെയുടെ നേതൃത്വത്തിലുള്ള വിമത ശിവസേന എംഎല്‍എമാര്‍ സര്‍കാര്‍ രൂപീകരിക്കാന്‍ ബിജെപിയെ പിന്തുണയ്ക്കാനാണ് സാധ്യത.