'ദശലക്ഷക്കണക്കിന് കുട്ടികള്‍ക്ക് പോഷകസമൃദ്ധമായ ഭക്ഷണത്തിനുള്ള അവകാശം ലഭിക്കുന്നതിന് ഉടന്‍ ആധാര്‍ ഐഡികള്‍ ആവശ്യമായി വരും' എന്ന മാധ്യമ റിപോര്‍ടിന് മറുപടിയായാണ് വിശദീകരണം വന്നത്. കുട്ടികളുടെ ആധാര്‍ വിവരങ്ങള്‍ നിര്‍ബന്ധമല്ലെന്നും അമ്മയുടെ ആധാര്‍ ഐഡി ഉപയോഗിച്ചാണ് പോഷകാഹാര പദ്ധതിയുടെ ആനുകൂല്യങ്ങള്‍ വിതരണം ചെയ്യുന്നതെന്ന് ഉറപ്പാക്കുന്നുണ്ടെന്നും മന്ത്രാലയം വ്യക്തമാക്കി.
പ്രസ് ഇന്‍ഫര്‍മേഷന്‍ ബ്യൂറോയുടെ വസ്തുതാ പരിശോധനയും ട്വീറ്റില്‍ വ്യക്തത വരുത്തി. സംസ്ഥാനത്ത് ഉടനീളമുള്ള കുട്ടികളുടെ പോഷകാഹാര ലഭ്യതയെക്കുറിച്ചുള്ള വിവരം അറിയുന്നതിന് പോഷന്‍ ട്രാകര്‍ വഴി അങ്കണവാടി സേവനങ്ങള്‍ ഡിജിറ്റൈസ് ചെയ്യണമെന്ന് മന്ത്രാലയം അടുത്തിടെ നിര്‍ദേശിച്ചിരുന്നു.
'പോഷന്‍ പ്രവേശനം സാര്‍വത്രികമാക്കണമെന്ന് ഞങ്ങള്‍ സംസ്ഥാനങ്ങളോട് നിര്‍ദേശിക്കുന്നു. കാരണം നിങ്ങള്‍ ഒരിടത്ത് നിന്ന് മറ്റൊരിടത്തേക്ക് മാറുമ്പോള്‍, പദ്ധതിയുടെ ഭാഗമാണെന്ന് തിരിച്ചറിയാന്‍ ഗുണഭോക്താക്കള്‍ക്ക് എളുപ്പമാകും. ഞങ്ങള്‍ ഗുണഭോക്താക്കളുടെ ആധാര്‍ ലിങ്ക് പരിശോധിക്കുകയാണ് ' ഈ മാസം ആദ്യം ഒരു ഉദ്യോഗസ്ഥന്‍ പറഞ്ഞിരുന്നു.
Keywords: Latest-News, National, Top-Headlines, Aadhar Card, Central Government, Child, Food, Ministry, Child's Aadhaar not mandatory, Child's Aadhaar not mandatory for availing benefits of Poshan scheme: Government.
< !- START disable copy paste -->