മണ്ണാര്‍ക്കാട്: (www.kvartha.com) തെരുവുനായയുടെ കടിയേറ്റ് ബൈക് യാത്രികരായ രണ്ടുപേര്‍ക്ക് പരിക്കേറ്റു. കേലന്‍തൊടി വീട്ടില്‍ അബ്ബാസ് (43), പെരിഞ്ചോളം വടക്കേമഠം വീട്ടില്‍ അനില്‍ബാബു (49) എന്നിവരെയാണ് തെരുവുനായ ആക്രമിച്ചത്. മദ്രസ വിദ്യാര്‍ഥികളുടെ ബഹളം കേട്ട് ബൈക് നിര്‍ത്തിയ അബ്ബാസിനെ നായ ഓടിയെത്തി ഇടതുകാലില്‍ കടിക്കുകയായിരുന്നു.
കൊടുവാളിക്കുണ്ട് റോഡില്‍ നിന്നും ദേശീയപാതയിലേക്ക് കയറുന്നതിനിടെയാണ് അനില്‍ ബാബുവിന് നേരെ ആക്രമണമുണ്ടായത്. ബൈകില്‍ നിന്ന് വീണ അനിലിന്റെ ഇടതുകൈക്കാണ് പരിക്കേറ്റത്. ബുധനാഴ്ച രാവിലെയാണ് സംഭവം. പരിക്കേറ്റ രണ്ടുപേരും പാലക്കാട് ജില്ലാ ആശുപത്രിയിലെത്തി ചികിത്സ തേടി.
Keywords: Bike riders injured in Stray dog attack, News, Kerala, Top-Headlines, Bike, Injured, Attack, Hospital, Wednesday, National Highway.