തിരുവനന്തപുരം: (www.kvartha.com) സംസ്ഥാനത്ത് കാലവര്ഷം സാധാരണയിലും കുറയാന് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ജൂണ് മുതല് സെപ്റ്റംബര് വരെയുള്ള കാലയളവില് ഇത്തവണ സാധാരണയില് കുറവ് മഴ ലഭിക്കാനാണ് സാധ്യത.
സംസ്ഥാനത്ത് വേനല് മഴ ഇത്തവണ 85% അധികം ലഭിച്ചു. സാധാരണ ഈ കാലയളവില് ലഭിക്കേണ്ട മഴയെക്കാള് ( 361.5 mm) ഇത്തവണ ലഭിച്ചത് 668.5 mm ആണ്. കഴിഞ്ഞ വര്ഷം 108% ( 751 mm) കൂടുതലായിരുന്നു. എല്ലാ ജില്ലകളിലും സാധാരണ ലഭിക്കേണ്ടതിനേക്കാള് കൂടുതല് മഴ ലഭിച്ചുവെന്ന് അധികൃതര് അറിയിച്ചു.
92 ദിവസം നീണ്ട സീസണില് ഏറ്റവും കൂടുതല് മഴ രേഖപെടുത്തിയത് എറണാകുളം ജില്ലയിലാണ് (1007.6 mm). കോട്ടയം ( 971.6) പത്തനംതിട്ട ( 944.5) ജില്ലകളാണ് തൊട്ട് പിറകില്. ഏറ്റവും കുറവ് മഴ പാലക്കാട് (396.8 mm), കാസര്കോട് (473 mm) എന്നീ ജില്ലകളിലും രേഖപെടുത്തി.
Keywords: Thiruvananthapuram, News, Monsoon, Kerala, Rain, Monsoon likely to be below normal in Kerala