തിരുവനന്തപുരം: (www.kvartha.com) സംസ്ഥാനത്ത് സ്വര്ണവില കുതിക്കുന്നു. തുടര്ചയായ രണ്ടാം ദിവസവും സ്വര്ണവില വര്ധിച്ചു. വെള്ളിയാഴ്ച ഒരു പവന് സ്വര്ണത്തിന് 320 രൂപയുടെ വര്ധനവാണ് ഉണ്ടായത്. ഇതോടെ വിപണിയില് ഒരു പവന് സ്വര്ണത്തിന്റെ വിപണി വില 37360 രൂപയായി. വ്യാഴാഴ്ച 160 രൂപയായിരുന്നു ഒരു പവന് സ്വര്ണത്തിന് വര്ധിച്ചത്.
ഏറെ നാളായി ഇടിഞ്ഞുകൊണ്ടിരുന്ന സ്വര്ണവില കഴിഞ്ഞ ദിവസങ്ങളിലാണ് ഉയരാന് തുടങ്ങിയത്. മെയ് 12 ന് സ്വര്ണവില ഉയര്ന്നിരുന്നു. 360 രൂപയുടെ വര്ധനവാണ് ഉണ്ടായത്. എന്നാല് തൊട്ടടുത്ത ദിവസം തന്നെ സ്വര്ണ വില ഇടിയുകയായിരുന്നു. മെയ് 17 നും സ്വര്ണവിലയില് വര്ധനവുണ്ടായി എന്നാല് തൊട്ടടുത്ത ദിവസം അതിന്റെ ഇരട്ടി കുറഞ്ഞു. ശേഷം വ്യാഴാഴ്ചയാണ് സ്വര്ണവില ഉയര്ന്നത്.
അതേസമയം, സംസ്ഥാനത്ത് വെള്ളിയുടെ വിലയും ഉയര്ന്നു. വ്യാഴാഴ്ച കുറഞ്ഞ വെള്ളിയുടെ വിലയാണ് വെള്ളിയാഴ്ച ഉയര്ന്നത്. ഒരു രൂപയുടെ കുറവാണ് വ്യാഴാഴ്ച ഉണ്ടായത്. വെള്ളിയാഴ്ച ഒരു രൂപ കൂടുകയും ചെയ്തു. ഇതോടെ വെള്ളിയുടെ വിപണി വില 67 രൂപയായി. അതേസമയം 925 ഹോള്മാര്ക് വെള്ളിയുടെ വിലയില് മാറ്റമില്ല. 925 ഹോള്മാര്ക് വെള്ളിയുടെ വില 100 രൂപയാണ്.