'കിണറ്റില്‍ നിന്ന് ഒരു ചാക്ക് പുറത്തെടുത്തു. അതില്‍ കയ്യുംകാലം ബന്ധിച്ച നിലയില്‍ പെണ്‍കുട്ടിയുടെ മൃതദേഹം കണ്ടെത്തി. ഏകദേശം 10-12 ദിവസം മുമ്പ് മൃതദേഹം കിണറ്റിലേക്ക് വലിച്ചെറിഞ്ഞതായി കരുതുന്നു', എസ്പി പറഞ്ഞു
മെയ് 16ന്, പെണ്‍കുട്ടിയുടെ പിതാവ് ഗോപിഗഞ്ച് പൊലീസ് സ്റ്റേഷനില്‍ പരാതി നല്‍കി. അന്ന് രാത്രി എട്ട് മണിയോടെ പെണ്‍കുട്ടി മൂത്രമൊഴിക്കാന്‍ വീട്ടില്‍ നിന്ന് പുറത്തിറങ്ങിയെങ്കിലും പിന്നീട് തിരിച്ചെത്തിയില്ലെന്ന് പിതാവ് പൊലീസിനോട് പറഞ്ഞിരുന്നു.
'പെണ്‍കുട്ടിയെ അറിയാവുന്ന ആരോ അവളെ കൊന്ന ശേഷം 20 കിലോമീറ്റര്‍ അകലെയുള്ള കിണറ്റില്‍ എറിഞ്ഞതായി തോന്നുന്നു. ബലാത്സംഗത്തിനുള്ള സാധ്യത തള്ളിക്കളയുന്നില്ലെന്നും എസ് പി പറഞ്ഞു. മൃതദേഹം പോസ്റ്റ്മോര്‍ടത്തിന് അയച്ചിരിക്കുകയാണ്. സംഭവത്തില്‍ അജ്ഞാതര്‍ക്കെതിരെ കേസെടുത്ത് അന്വേഷണം ആരംഭിച്ചിട്ടുണ്ട്.