ഹനുമാൻ ജയന്തി ദിനത്തിൽ 108 അടി ഉയരമുള്ള പ്രതിമ പ്രധാനമന്ത്രി അനാച്ഛാദനം ചെയ്യും; രാജ്യത്തിന്റെ 4 ദിക്കുകളിലും പ്രതിമ ഉയരും

ന്യൂഡെൽഹി: (www.kvartha.com 15.04.2022) ഗുജറാതിലെ മോർബിയിൽ 108 അടി ഉയരമുള്ള ഹനുമാന്റെ പ്രതിമ പ്രധാനമന്ത്രി നരേന്ദ്ര മോഡി ശനിയാഴ്ച ഹനുമാൻ ജയന്തി ദിനത്തിൽ അനാച്ഛാദനം ചെയ്യും. പ്രധാനമന്ത്രിയുടെ ഓഫീസ് (പിഎംഒ) വെള്ളിയാഴ്ച ഔദ്യോഗിക പ്രസ്താവനയിലാണ് ഇക്കാര്യം അറിയിച്ചത്.

ഹനുമാനുമായി ബന്ധപ്പെട്ട ചാർ ധാം പദ്ധതി പ്രകാരം രാജ്യത്തിന്റെ നാല് ദിക്കുകളിലും ഹനുമാൻ വിഗ്രഹം സ്ഥാപിക്കുമെന്ന് പ്രധാനമന്ത്രിയുടെ ഓഫീസ് അറിയിച്ചു. പടിഞ്ഞാറ് ദിശയിലായി ഈ പദ്ധതിയിലെ രണ്ടാമത്തെ ഹനുമാന്റെ വിഗ്രഹമായിരിക്കും ശനിയാഴ്ച അനാച്ഛാദനം ചെയ്യുന്നത്. മോർബിയിലെ ബാപ്പു കേശവാനന്ദ ആശ്രമത്തിലാണ് ഇത് സ്ഥാപിച്ചത്.

ഈ ശ്രേണിയിലെ ആദ്യത്തെ വിഗ്രഹം 2010 ൽ വടക്ക് ദിശയിൽ ഷിംലയിൽ സ്ഥാപിച്ചു. അതേ സമയം തെക്ക് രാമേശ്വരത്ത് അത്തരത്തിലുള്ള ഒരു പ്രതിമയുടെ നിർമാണ പ്രവർത്തനങ്ങൾ നടന്നുവരികയാണ്.

Keywords: New Delhi, India, News, Top-Headlines, Prime Minister, Gujarat, Narendra Modi, Hanuman, Hanuman Statue, Statue, PM Modi to unveil 108 feet lord Hanuman statue in Gujarats Morbi.

< !- START disable copy paste -->