ഐ സി എച് ആര്‍ പുറത്തിറക്കിയ നിഘണ്ടുവിന്റെ അഞ്ചാം വാല്യത്തിലെ എൻട്രികൾ അവലോകനം ചെയ്ത മൂന്നംഗ പാനൽ, 1921 ലെ കലാപം ഒരിക്കലും ഇൻഡ്യൻ സ്വാതന്ത്ര്യ സമരത്തിന്റെ ഭാഗമല്ലെന്നും മതപരിവർത്തനത്തിൽ ശ്രദ്ധ കേന്ദ്രീകരിച്ച ഒരു മതമൗലിക പ്രസ്ഥാനം മാത്രമാണെന്നും തോന്നിയതിനാൽ നീക്കം ചെയ്യാൻ ശുപാർശ ചെയ്തു എന്നാണ് സർകാർ ഭാഷ്യമെന്ന് എം പി പറഞ്ഞു.
'സ്വാതന്ത്ര്യ സമരമെന്നാൽ മലബാർ കലാപവും വാഗൺ ട്രാജഡിയും ഉൾപെട്ടതാണ്. മാത്രവുമല്ല സ്വാതന്ത്ര്യ സമര ചരിത്രത്തോടൊപ്പം തുന്നി ചേർക്കപ്പെട്ട മറക്കാനാവാത്ത രണ്ട് സംഭവങ്ങളാണിത്. 1921 നവംബർ 10ന് കേരളത്തിലെ മലബാർ മേഖലയിൽ 70 തടവുകാരെ ട്രെയിനിൽ കുത്തി നിറച്ചു കൊണ്ട് പോയതിനാൽ ഉണ്ടായ അപകട മരണമായിരുന്നു വാഗൺ ദുരന്തം.
ബ്രിടീഷുകാർക്കെതിരായ പടപ്പുറപ്പാടയിരുന്ന മാപ്പിള കലാപത്തെ തുടർന്ന് മലപ്പുറം ജില്ലയുടെ വിവിധ ഭാഗങ്ങളിൽ തടവുകാരെ ബ്രിടീഷുകാർ കസ്റ്റഡിയിലെടുത്തിരുന്നു. വ്യക്തമായ ഗൂഢാലോചനയുടെ ഭാഗമായിരുന്നു ആ നീക്കവും തുടർന്നുള്ള ധീരരക്ത സാക്ഷികളുടെ മരണവും. ഇതിലൂടെ ബ്രിടീഷ് രാജിനെ അപകീർത്തിപ്പെടാനും ഇൻഡ്യൻ സ്വാതന്ത്ര്യ സമരത്തോട് ഒരു സഹതാപ തരംഗം സൃഷ്ടിക്കുവാനും ഈ രണ്ടു സംഭവങ്ങൾ കാരണമായിട്ടുണ്ട് എന്നത് ഒരു യാഥാർഥ്യമാണ്', രാജ്‌മോഹൻ ഉണ്ണിത്താൻ കൂട്ടിച്ചേർത്തു.
Keywords: News, National, Top-Headlines, Loksabha, Malabar, Issue, Central Government, MP, Government, Kerala, Protest, British, Malabar fighters, Martyrdom Dictionary, Rajmohan Unnithan, Decision to remove malabar fighters from martyrdom dictionary; Rajmohan Unnithan raises the issue in the Lok Sabha.
< !- START disable copy paste -->
< !- START disable copy paste -->