ഇക്കഴിഞ്ഞ ജനുവരി 15-നാണ് ലിജിതയ്ക്കും മകള്‍ക്കും നേരെ ഭര്‍ത്താവ് സനില്‍ കുമാര്‍ (38) ആസിഡ് ആക്രമണം നടത്തിയതെന്ന് പൊലീസ് പറയുന്നു. സംഭവത്തിന് ശേഷം ബൈകില്‍ കടന്നുകളഞ്ഞ ഇയാളെ തലശ്ശേരി റെയില്‍വേ സ്റ്റേഷന്‍ പരിധിയില്‍ കൊടുവള്ളി ഭാഗത്തായി തീവണ്ടി തട്ടി മരിച്ചനിലയില്‍ കണ്ടെത്തിയിരുന്നു.
അമ്പലവയല്‍ ഫാന്റം റോക്കിന് സമീപം കട നടത്തുകയായിരുന്നു ലിജിത. ഇവിടെ വെച്ചാണ് ആക്രമണം നടന്നത്. നാട്ടുകാരാണ് ഇവരെ പരിക്കേറ്റ നിലയില്‍ കണ്ടത്. തുടര്‍ന്ന് ആശുപത്രിയില്‍ എത്തിക്കുകയായിരുന്നു. ലിജിതയും ഭര്‍ത്താവ് സനലും അകന്നു കഴിയുകയായിരുന്നു.
ഇതിനിടെ ജനുവരി 14 ന് വെള്ളിയാഴ്ച രാത്രി സനല്‍ വീട്ടിലെത്തി ബഹളമുണ്ടാക്കിയിരുന്നു. തുടര്‍ന്ന് ജനുവരി 15 ന് ശനിയാഴ്ച രാവിലെ ലിജിത ഇതുസംബന്ധിച്ച് പൊലീസില്‍ പരാതി നല്‍കിയിരുന്നതായാണ് വിവരം. പിന്നാലെയാണ് ആസിഡ് ആക്രമണം നടന്നത്.
Keywords: Woman injured in acid attack dies, daughter in serious condition, Wayanadu, News, Local News, Dead, Hospital, Treatment, Kerala, Obituary.