യോഗിയുടെ മൂന്നാം വികെറ്റും വീണു; മന്ത്രി ധരം സിംഗ് സൈനിയും രാജിവച്ചു

ലക്‌നൗ: (www.kvartha.com 13.01.2022) ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന്റെ മന്ത്രിസഭയില്‍ നിന്ന് മൂന്നാമത്തെ മന്ത്രിയും രാജിവെച്ചു. നേരത്തെ ബിജെപി വിടുന്ന കാര്യം നിഷേധിച്ച ധരം സിംഗ് സെയ്‌നിയാണിന്ന് രാജിവച്ചത്. തെരഞ്ഞെടുപ്പ് അടുത്തിരിക്കുന്ന സാഹചര്യത്തില്‍ സര്‍കാരിനും പാര്‍ടിക്കും ഇത് വലിയ തിരിച്ചടിയായി.

രാജിവച്ച മൂന്ന് മന്ത്രിമാരും അഖിലേഷ് യാദവിന്റെ സമാജ്വാദി പാര്‍ടിയില്‍ ചേരുമെന്നാണ് അറിയുന്നത്. സഹരന്‍പൂരിലെ നകുദില്‍ നിന്ന് നാല് തവണ എംഎല്‍എയായ ധരം സിംഗ് സൈനി, പ്രധാന് പിന്നോക്ക വിഭാഗ നേതാവാണ്. മന്ത്രിസഭയില്‍ നിന്ന് ആദ്യം രാജിവച്ച സ്വാമി പ്രസാദ് മൗര്യയ്‌ക്കെതിരെയും അദ്ദേഹം ആക്ഷേപം ഉന്നയിച്ചിരുന്നു.

'ഞാന്‍ ബിജെപിയിലുണ്ട്, തുടരും. പാര്‍ടി വിടുന്നില്ല,' റിപോര്‍ടുകള്‍ നിരാകരിക്കാന്‍ താന്‍ പുറത്തുവിട്ട വീഡിയോയില്‍ സൈനി പറഞ്ഞിരുന്നു. യോഗി ആദിത്യനാഥും സൈനിയെ വിളിച്ച് സംസാരിച്ചിരുന്നെന്ന് പാര്‍ടി വൃത്തങ്ങള്‍ പറയുന്നു.

കൂറുമാറിയവരൊടൊപ്പമുള്ള ഫോടോ പങ്കിട്ടും 'സൈനിയെ സ്വാഗതം ചെയ്തും' അഖിലേഷ് യാദവ് ഫോടോ പങ്കുവച്ചു. എല്ലായ്‌പ്പോഴും പോലെ, യാദവ് മെലാഹോബ് എന്ന ഹാഷ്ടാഗ് ഉപയോഗിച്ചു. നേരത്തെ മായാവതിയുടെ ബഹുജന്‍ സമാജ് പാര്‍ടിയില്‍ (ബിഎസ്പി) പ്രവര്‍ത്തിച്ച സ്വാമി പ്രസാദ് മൗര്യ 2016ല്‍ ബിജെപിയില്‍ ചേര്‍ന്നിരുന്നു.

Keywords: Lucknow, Yogi Adityanath, Minister, Politics, Election, Party, BJP, Dharam Singh Saini, Team Yogi Loses Minister No 3, Backward Caste Leader Dharam Singh Saini. < !- START disable copy paste -->