കൊച്ചി: (www.kvartha.com 28.01.2022) ആലുവ സ്റ്റേഷന് സമീപം ഗുഡ്സ് ട്രെയിന്‍ പാളം തെറ്റിയതിനെ തുടര്‍ന്ന് തടസപ്പെട്ട ട്രെയിന്‍ ഗതാഗതം പൂര്‍ണമായി പുനഃസ്ഥാപിച്ചു. ഗുഡ്സ് ട്രെയിനിന്റെ മറിഞ്ഞ രണ്ടു വാഗണുകള്‍ ഗ്യാസ് കടര്‍ ഉപയോഗിച്ചു മുറിച്ചുനീക്കി.
തുടര്‍ന്ന് ചരിഞ്ഞ രണ്ടു വാഗണുകള്‍ ട്രാകില്‍നിന്നു മാറ്റി. വെള്ളിയാഴ്ച രാത്രി ഏഴുമണിയോടെയാണു ട്രാക് അറ്റകുറ്റപ്പണി പൂര്‍ത്തിയാക്കി ഇരുദിശയിലും ഗതാഗതം പുനഃസ്ഥാപിച്ചത്. കഴിഞ്ഞദിവസം രാത്രിയാണ് കൊല്ലം ഭാഗത്തേക്ക് പോകുകയായിരുന്ന ഗുഡ്സ് ട്രെയിനിന്റെ വാഗണുകള്‍ പാളം തെറ്റിയത്. ട്രെയിന്‍ പാളം തെറ്റിയതോടെ എറണാകുളം- തൃശൂര്‍ റൂടില്‍ ഗതാഗതം തടസ്സപ്പെട്ടിരുന്നു.
Keywords: Goods Train Detrailed: Transportation Restored, Kochi, News, Train Accident, Train, Kerala.